掃呢頁CODE去手機

2020年5月8日 星期五

Twins叫好 衛詩雅減薪都制! #Twins #衛詩雅

Twins
Twins叫好衛詩雅減薪都制!英皇與天下一攜手出擊,為影壇增添生氣,一眾藝人當然舉腳支持!Twins齊聲叫好,衛詩雅及姜皓文更揚言願意減薪助影壇復甦。 ...




Twins叫好 衛詩雅減薪都制!

英皇與天下一攜手出擊,為影壇增添生氣,一眾藝人當然舉腳支持!Twins齊聲叫好,衛詩雅及姜皓文更揚言願意減薪助影壇復甦。至於陳家樂與湯怡最想拍喜劇,期望藉此為香港打氣。

鍾欣潼:「好開心見到今次合作,希望電影業可以盡快復甦!」

陳家樂、衛詩雅
  • 陳家樂、衛詩雅

蔡卓妍:「希望人人有工開,帶動番成個電影業。」

衛詩雅:「如果減片酬可以幫到,絕對願意!同埋依家會積極搵多啲好劇本,拎番公司,睇吓公司有冇興趣。」

陳家樂:「呢個時勢,對好多台前幕後嘅工作人員的確好大影響,自己都有幕後嘅朋友,呢段時間要轉行做其他唔同工種。依家有呢10套電影,希望可以幫番多啲人做香港電影。我希望嚟緊可以拍多啲喜劇,因為可以令人開心啲,依家香港需要好開心嘅能量,希望可以透過電影畀到開心嘅氣氛香港人。」

宣萱:「期待兩間公司合作,好開心聽到呢個消息,希望人人盡快有工開。」

湯怡:「近呢幾個月相信大家嘅心情唔會特別開心,希望拍番啲有正能量,令香港人輕鬆番嘅電影。」

周家怡:「知道呢個消息當然好開心、好支持希望快啲同多啲人可以開工」

任達華:「好事嚟,等電影從業員可以人人有工開。」

姜皓文:「需要到我幫忙,乜都冇所謂,唔使講嘢!電影圈就係咁團結!」




鍾意就快D Share啦!