沈卓盈放棄陪囝囝瞓覺 坐成晚睇陳自瑤攞女配角
39歲沈卓盈(Jess)跟39歲杜灝標於19年結婚，上年5月誕下兒子Jayden，小Jayden而家七個月大，睇開杜太IG都知佢有幾幸福。
沈卓盈好享受湊仔。
尋晚，TVB舉行《萬千星輝頒獎典禮2021》，喺屋企湊仔嘅Jess都有喺屋企睇電視，仲因為見到老友陳自瑤(YoYo)憑劇集《寶寶大過天》得到「最佳女配角」超興奮，即刻影低得獎畫面連發多張限時動態和貼文恭喜老友，並寫上：「Congratulations babe ，實至名歸，今晚放棄了陪亞仔瞓覺嘅叉電時間，叫老公唔好沖涼坐定定睇，從來未試過睇頒獎典禮睇得咁緊張，見到你攞獎的那一刻，真的好感動哭了知道你熱愛演戲也對自己要求很高，一直以來默默努力付出，今晚你的努力終於有成果實力得到大家認同，真係替你非常之開心，期待你以後有更多嘅收穫，繼續喺自己嘅舞台發光發亮。」
陳自瑤得知Jess放棄陪囝囝瞓覺都要拍低佢得獎一刻好感動，凌晨回應沈卓盈：「多謝你Baby，多謝我係你心目中咁重要，要放棄餵奶。在心中。」可能YoYo太興奮，其實沈卓盈就無話放棄餵奶，瞓醒見到陳自瑤的回覆，Jess再次留言：「 bb尋晚都好興奮半夜唔瞓覺，玩謝媽媽。」沈卓盈唔陪囝囝瞓覺睇實電視。沈卓盈見到陳自瑤攞獎好興奮。
沈卓盈同陳自瑤得獎畫面自拍，仲狂貼紅唇及愛心讚實至名歸。沈卓盈同陳自瑤好老友。
沈卓盈放棄陪囝囝瞓覺都要睇電視撐老友。
立即下載 | 全新《星島頭條》APP :https://bit.ly/3yLrgYZ
本文作轉載及備份之用 來源 source: http://hd.stheadline.com
|
鍾意就快D Share啦！
|
|
|
