萬千星輝丨鍾嘉欣心臟強大輕鬆面對 坦認以前參加頒獎禮緊張冒汗
鍾嘉欣在昨晚（2日）於TVB頒獎禮獲「馬來西亞最喜愛TVB女主角」，頒獎禮結束後她因趕回去看囝囝未在後台接受訪問，但臨走前仍到電視城門外與粉絲見面。粉絲送上蛋糕及香檳等，又將嘉欣的角色卡通公仔送到手上，期間大叫：「嘉欣、最佳女主角！」有熱心支持者還將自己的私家車車尾廂有應援擺設，甚有心思。令她十分驚喜
會否因未能得視后感失望？嘉欣稱沒有：「好感恩可以參與頒獎禮，好似我喺台上講，今次之後未必可以再企喺頒獎台上，喺台上嘅都係我曾經嘅同事及朋友，大家為咗穩定位置付出咗汗水。我覺得我的心態好叻，跟細個時唔同，嗰時會緊張、出手汗，好在乎獎項，但依家成為媽咪後心臟更強大，會欣然接受所有結果。」
同樣獲贈香檳。還有鮮花等禮物，fans十分有心。fans為了令偶像開心，在禮物上花上不少心思。
老公有否傳恭喜訊息？嘉欣笑說：「佢衰豬啦，嗰邊凌晨4點幾，起身睇老婆靚唔靚，讚我好靚又話我好Yummy！又話我唔乖，因為睇起上嚟好攰，好耐冇參與長時間嘅節目，加上湊小朋友的確眼瞓。囝囝都有睇電視，佢好硬頸，一定是等我返去先瞓，所以我依要趕返去。」嘉欣透露今次是TVB透過短訊邀她回來參加頒獎禮，此行另外主要是處理私事，嘉欣又直言回港拍劇的確需要很吸引的劇本才能打動自己。
另外，訪問期間有警車到現場驅趕，要現場人士回到行人路上。在嘉欣完成訪問後，身在附近的胡鴻鈞化身小粉絲上前與嘉欣影合照，令二人粉絲齊齊轟動，嘉欣大讚胡鴻鈞能唱能跳，似足韓星池晟！嘉欣有fans把私家車車尾廂擺放應援物品為她打氣。胡鴻鈞趁機跟嘉欣合照。
立即下載 | 全新《星島頭條》APP : https://bit.ly/3yLrgYZ
.jpeg)
.jpeg)
本文作轉載及備份之用 來源 source: http://hd.stheadline.com
|
鍾意就快D Share啦！
|
|
|
