無綫頒獎禮賽果尋晚（2日）揭盅，萬眾矚目嘅視后寶座最終落喺「裸」你命三千嘅林夏薇身上，表演專業、憑《七公主》內「全裸」演出而首摘最佳女主角，上台致辭時表現激動。不過今次得獎，佢都唔係輕鬆過關，因有指鍾嘉欣突回港逆襲，令視后之爭充滿變數，終由林夏薇以作品說話得獎，令佢喜出望外！
林夏薇台上表示自己2004年入讀中央戲劇學院，由跑龍套到尋日拎獎，佢自嘲自己資質唔好用咗17年先成功，原來同佢係同學仔嘅陳妍希老公、內地小生陳曉，尋晚都即刻公開發文祝賀好知己：「中央戲劇學院2005級表演系一班的林夏薇同學，聽說你拿視后了！」而早前《七公主》開播時，陳曉已引用林夏薇喺《十二傳說》嘅對白幫手宣傳。
不過今次陳曉發文，竟然惹嚟部分質疑賽果嘅網友惡意留言，不過陳曉都兵來將擋，多次同網友爭論至凌晨12點幾，包括留言「憑良心，高手打架，同學獲獎，換你你也開心」、「不就是黑黑嘛，我也是粉絲啊」、「你可別鬧了…我看的那會還沒那麽多帶節奏的呢」反指網友故意留言帶風向，明顯力撐多年死黨，為舊同學網上出頭！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
