掃呢頁CODE去手機

2014年7月31日 星期四

王璐瑤情傷由直變攣 余文樂大反應寸爆人生總有幾次遇到白撞 王璐瑤,余文樂,




王璐瑤情傷由直變攣 余文樂大反應寸爆:人生總有幾次遇到白撞

2014-07-31 17:01:00



其實阿樂同LuLu嘅緋聞都係咸豐年前啦...

導演黃真真同余文樂今日為新片《閨密》宣傳,下晝佢哋就喺中環接受各大傳媒訪問。阿樂喺戲中飾演一個貼心男,同陳意涵演一對。阿樂話:「都係做啲小事,買好多款早餐比佢揀咁。」

問佢最sweet為女朋友做過咩事啦?佢就話:「都係飛紐約去搵當時嘅女朋友食個早餐就返嚟咁啦,當時都驚會撞到佢同第二個o架。」佢又話拜金女免問,女仔亦都唔會check到佢有幾多身家,因為已經交晒比媽咪打理喎。

今日又有報道話,王璐瑤自稱被男星拋棄後由直變孿,又話有個女星追緊佢,阿樂就即刻話:「首先,佢唔係我緋聞女友,我完全唔識佢,亦都唔想佢再做呢啲新聞,是但啦,人生總有幾次遇到白撞o架喇。」落閘落得好快喎!



LuLu今日突然自爆話因為情傷由直變攣,仲有同性女藝人追求。 (資料圖片)



(攝影:陳志嵐)



提起LuLu,阿樂好大反應: 佢唔係我緋聞女友,我完全唔識佢,亦都唔想佢再做呢啲新聞。



仲話:是但啦,人生總有幾次遇到白撞o架喇。



鍾意就快D Share啦!