2015年7月16日 星期四

深田恭子食得唔好嘥 [壹週刊 - 1323] 深田恭子,恭子,M1,



日韓到會

深田恭子食得唔好嘥

女人,總以為要似陳凱琳咁瘦,先溝到鄭嘉穎。

咪傻啦,好多好多男人真係鍾意女仔肥肥哋㗎。

如果你似深田恭子話有 F cup嘅話。

姊妹們真係要向深田恭子好好學習。

係呢一方面。可惜,另一方面就始終陷入女人迷思,一如張靜初,一如 Meg Ryan,明明係靚,係要變成《風雲天地》女演員一樣咁膠。

所以,出寫真集搵食最好,又唔係我老婆,假就假,你咪慢慢執靚佢囉。

同一輯相,出完一本寫真集,唔夠皮,轉頭又出另一本,環保得緊要!

炒冷飯

去年三月,深田恭子先出過一本叫《( un) touch》的寫真集,去年年底,又出多一本《 Down To Earth》,隔半年,又嚟?新面世呢本《 Down To Earth Another》,其實係炒冷飯。同一堆衫同一堆景,之前無出到街嘅相,加加埋埋搏你唔記得,又話係本寫真集。好啦,我形容得好聽少少啦,係副線囉,上年嗰本賣 2800円,今次呢本微縮版就賣 1900円。中產階層同草根階層都照顧到。

露事業線嘅相,大部分去年嗰本已經出過,今次只好轉 sell美股,張張都影後。

深田恭子一向少少肥,上一本寫真集,係 sell健康運動型, sell fit,呢張相,根本就唔應該出現啦。今次都要落埋。

老實講,膠得嚟,算靚,雖然個樣係同以前有啲分別,由佢啦。

減肥性手

同龜梨和也嚟緊仲有齣電影上畫,到時,應該又會翻炒緋聞。

原則上,最好嘅相,喺上年嗰本都出晒啦,好難叫人相信呢本《 Another》唔係賣剩蔗。半年前, 32歲高齡出寫真,可以 sell童顏巨乳,中女目標。半年後, 50歲羅霖才算童顏巨乳,師奶公敵。

跟龜梨和也合拍日劇《 Second Love》,先係真正食得唔好嘥,傳出姊弟戀,又話假戲真做,床上戲逼真度直逼 AV,總算有用,深夜時段播映,平均收視超過 7%,勉強好過去年《女性決不容許》結局得 5.8%收視的慘情數字。做慾女較有前途,深田恭子家陣係以性愛專家示人,教姊妹如何美臀秀秀小事,講得最多係全裸做家務減肥法,同埋做愛減肥法。

香港的𡃁模,出乜鬼寫真吖,咁 out,學吓嘢,出本搞嘢減肥手冊啦,記得拍埋片呀!

十五年進化史

深田恭子於 1998年憑《神啊!請多給我一點時間》爆紅,當年,她 16歲。雖然,肥肥哋,但可愛,而且形象清純,演技又唔錯。

我搵番 1998年,深田恭子第一本寫真,素顏,一件頭泳衣, sell真我個性。到 2002年,開始要化濃妝見人啦,但係件件衫都包到上頸。

然後,到去年被視為尺度最勁的寫真集,著上身的,幾乎全部是內衣。個樣,係明顯唔同咗嘅。十五年,可以變化好大。

1998年

初出道時,著泳衣只著一件頭,爛面也可以照素顏出鏡。

2002年

2002年的寫真集,最見得肉多係呢張。

2014年

人愈大,愈唔怕剝。拍呢本《( un) touch》前,已經不斷出泳衣照,但性誘惑方面,呢本贏晒。

鍾意就快D Share啦!
Related Posts Plugin for WordPress, Blogger...