2015年7月16日 星期四

超雲唔使扮淑女 [壹週刊 - 1323] 超雲,M1,



同你吟一吟

超雲唔使扮淑女

演員要打造國際化形象,跑影展係最快捷途徑,國內女星范冰冰、李冰冰,仲有起步更早嘅章子怡,都變咗國際級;至於有身份嘅名人,飛去歐美出席品牌活動,亦係身價指標。

近幾年,何家四房亦熱衷於參與歐洲 fashion week,上個禮拜,四太御駕親征,同兩個女一齊去咗巴黎出席 Fendi皮草高訂騷,等超盈、超欣識多啲人,見多啲世面。

四房有遠遊,三房負責留守香港睇住賭王。上星期五(七月十日),新片《迷你兵團》香港上畫第二日,超雲已經急不及待,搵咗個四眼男做觀音兵,陪佢去數碼港百老匯睇戲。散場之後,超雲仲戴住副要俾七十蚊買嘅《迷你兵團》紀念版 3D眼鏡自拍,跟住又叫四眼男幫佢同啲紙板 banana nana影相,足足搞咗十分鐘先捨得走人。

廿六歲嘅超雲比同年出世嘅超盈大七個月,打扮隨意生活寫意,但超盈已經要披起戰衣扮行政淑女,落手落腳幫阿媽管理酒店生意。四太走進取路線,三太行細心賢淑,三、四房二代,亦好兩極。

四太帶埋超盈超欣去法國出席 Fendi活動,獲品牌 CEO同女高層接待,大客零舍唔同!

觀音兵送上車夠盡責,超雲事後仲將四眼男幫佢影嘅相放上網。

童心未泯的超盈,俾多七十蚊買咗副罐裝紀念版 3D眼鏡,睇完戲仲要戴住自拍,開心到嘟晒嘴。

同家姐一齊留守香港嘅超蓮,早排去 Kiehl's學整蠟燭,支持環保兼做善事。

鍾意就快D Share啦!
Related Posts Plugin for WordPress, Blogger...