賣豬仔 演唱會開唔成 欣宜信錯蕭定一 [壹週刊 - 1323] 蕭定一,欣宜,M1,

探熱針

賣豬仔　演唱會開唔成　欣宜信錯蕭定一

早前蕭定一的中國 3D數碼娛樂，與專營𡃁模市場的 GME合併，有指欣宜與周秀娜爭做公司一姐，但實情是，自去年簽約蕭定一後，欣宜工作量不算多，當日簽約時講好的演唱會期票亦遲遲未兌現。近日欣宜向公司舊事重提，有高層卻以資金不足為由，要求欣宜開騷要自己化妝上台。擺明搵藉口，難怪欣宜嬲爆，向友人訴苦信錯公司。

愈肥愈自信

雖然體重反彈至二百磅，仍無損欣宜的爆棚自信，不停在社交網站大晒自己穿低胸緊身衫肉照，甚至希望公司盡快完成她在紅館開個人演唱會的心願。

「欣宜一向好有自信，就算而家肥番，佢一啲都唔介意，身邊人仲讚佢 cute，令欣宜更加堅持唔減，亦唔擔心會影響演藝前途。舊年簽中國 3D數碼娛樂，阿一（蕭定一）大讚佢唱歌好掂，講明會幫欣宜開個人演唱會，但過咗年幾，仲係冇聲冇氣。」知情人說。

近日欣宜主動向公司重提開演唱會一事，卻遭高層大潑冷水。

「佢哋話而家做演唱會好難有錢賺，更加負擔唔到化妝費，叫欣宜如果想開，不如自己化妝上台。」其實一般演唱會化妝，化妝師每場最少收四、五萬左右，再視乎場數及歌手級數再作調整。「欣宜聽到真係好嬲，因為平時出 job佢已經試過要自己化妝，估唔到而家仲要佢化埋妝上台開演唱會，擺明搵藉口。」

去年四月，欣宜加盟蕭定一公司，二人在記者會上簽約。

欣宜將晒胸相放上 IG，自信爆棚。

肥姐視愛女欣宜如珠如寶，但自她離世後，欣宜只能孤軍作戰。

有得睇冇得使

公司態度愛理不理，就連欣宜近日接拍的位元堂養陰丸廣告，全靠父親鄭少秋《大時代》效應帶挈，廣告商自動搵上門。

「阿一嗰邊其實無乜幫到欣宜，個位元堂廣告，都係廣告商想食番秋官效應，自己搵上門，廣告酬勞得十萬，公司抽咗一半佣，欣宜只係得幾萬蚊落袋。」

剛滿二十八歲的欣宜，曾經講過窮到銀行得番一百蚊，就連現居的嘉禾苑單位，業權也歸陳淑芬及肥姐胞姊擁有，欣宜無份。

「雖然肥姐留咗四千三百萬遺產俾欣宜，但啲錢放晒入遺產基金，要欣宜三十五歲先可以攞到一半，尾數要到佢四十歲先攞得。因為肥姐擔心個女會亂使錢，每月只可以响基金裡面攞二萬蚊零用，幾千萬又點？都係有得睇冇得使。」知情人說。

父親鄭少秋因《大時代》 hit爆，帶挈欣宜被位元堂睇中拍新廣告。

GME靠周秀娜省靚招牌，旗下𡃁模個個有身材。

一○年，陳淑芬將欣宜經理人合約轉到何哲圖（左）的「星煥」旗下。

無地位

肥姐安排下，欣宜曾是劉家昌徒弟。

現年二十八歲的欣宜，自小便充滿表演慾，熱愛唱歌跳舞，肥姐早已為她鋪路闖娛樂圈，除了搵張玉珊幫愛女減肥，臨終前更安排欣宜簽約好友劉家昌，後來因陳淑芬關係，最終與劉家昌解約；並於 10年在陳淑芬穿針引線下加盟何哲圖的「星煥國際」，推出首張個人專輯《有故事的人》。

同年再推出第二張大碟《故事的配角》，成績備受肯定。後來與「星煥」約滿，去年欣宜宣布加盟蕭定一旗下的「中國 3D數碼娛樂」，簽約五年。近日，「中國 3D數碼娛樂」與周秀娜所屬、靠𡃁模事業起家的 GME公司合併，令賣實力唔賣樣，甚至愈來愈肥的欣宜，在公司更加無椗企。

鍾意就快D Share啦！

下一篇 》