黎耀祥簽名相冧客 [壹週刊 - 1323] 黎耀祥,M1,

老婆去買衫，黎耀祥利用看車時間，簽定 3R相氹客。

同你吟一吟

黎耀祥簽名相冧客

剛剛拍完大台新劇《公公出宮》嘅黎耀祥，要過埋暑假九月先再開新劇，呢段時間還廣告同登台債，仲 plan咗同太太二人世界去日本玩吓。

上個禮拜二（七月七日），祥嫂做司機同老公一齊去咗九龍城，黎耀祥去完銀行過數就返上車，等祥嫂可以去對面馬路做緊六折嘅時裝店執平貨。

女人買嘢冇掣，黎耀祥索性攞住大疊 3R相逐張簽名。同罰抄冇分別，但 3R簽名相簡直係登台氹 fans老闆必殺技，佢仲同《壹》仔講：「啲客想要簽名相，趁住等老婆得閒嘛！」

攞完一次又一次視帝，但黎耀祥點都唔肯賣身俾大台，寧願老婆辛苦啲做埋經理人，自由同錢，自己操控。啱嘅，如果唔係，邊有咁多時間登台走埠搵真銀呢！

簽完名再逐張放响車頭，等簽名筆油墨乾透先放番入袋。

老婆買完衫返上車，黎耀祥接力行去同老闆打招呼，擺明買慣買熟。

架車 double park，仲要冇停車熄匙，但阿 sir行過當睇佢唔到，有運。

之前喺開平拍新劇，黎耀祥（右一）同蕭正楠、陳國邦、蔣志光、曹永廉 40度著冬裝開工，睇見張相都中暑。

鍾意就快D Share啦！

下一篇 》