2015年7月16日 星期四

葉翠翠新婚五日 前妻告上法庭贈慶 [壹週刊 - 1323] 翠翠,葉翠翠,M1,



探熱針

葉翠翠新婚五日 前妻告上法庭贈慶

葉翠翠上週同男友周曉東( Raymond)註冊結婚,正式成為周太,但在大日子前夕,有人向傳媒連環爆料,指周曉東削減同前妻所生的女兒生活費,以及恐嚇要爭回撫養權。原來周曉東前妻為了向一對新人送「大禮」,特登排快期,要求 Raymond在新婚後第五日上庭打官司,擺明贈慶。

婚宴留位俾亡母

上週六(七月十一日),葉翠翠跟周曉東在四季酒店擺酒,婚宴上,新郎新娘表演跳舞娛賓,更心靈相通地揀了《勇氣》合唱。

事前姊妹團預計新娘會感動喊爆,但葉翠翠卻出奇地輕鬆。

「翠翠最初估計自己講番當日老公陪住經歷媽咪過身嗰段日子,可能會忍唔住喊,但擺酒嗰晚佢只係有少少激動,唔算犀利,翠翠喺主家席留咗個位俾媽咪,話當係媽咪都有嚟,當了咗心願。」知情者說。

開展人生另一階段,婚後休息數天,兩公婆便復工,亦無計劃出外度蜜月。據了解,二人之所以唔去蜜月旅行,真正原因是周曉東收到通知,要在本月十六日出席家事法庭聆訊,為與前妻所生的女兒生活費問題對簿公堂。

「翠翠都講咗好多次,事實只係得一個版本,兩父女關係唔會變,佢唔想講大家有冇聯絡,因為講咗之後見面更加困難。結婚前幾星期,有人同傳媒報料,仲爆埋家事法庭檔案冧巴,翠翠當時都有出嚟交代件事,解釋老公一直有俾足夠生活費,不過有人咬住唔放,就算開咩條件都堅持打官司。」知情者說。

一對新人在婚禮前練舞兩個月,為的是在婚宴上娛賓。

婚宴上,葉翠翠特登留了一個空位給亡母。

姊妹團穿統一藍色禮服,當日更經常玩自拍放上網。

婚前婚後都要共同面對難關,難怪二人心有靈犀齊揀《勇氣》在台上合唱。

前妻發律師信

對前夫無面俾,對現任周太葉翠翠,前妻更加冇手軟。

「呢類家事案件,一般上庭上三分鐘,排期就要兩個月,但有人專登排快期,由入紙到上庭只係一個月鬆啲,擺明玩嘢賀周曉東再婚。 Raymond前妻仲會𥄫住啲新聞,只要見到有相關報導出街,唔理翠翠有冇接受訪問,都會經無綫交律師信俾佢,要求翠翠出嚟解釋,總之好麻煩。」知情者說。

對於婚後五日收「大禮」,葉翠翠回應說:「我而家享受緊新婚生活,其他嘅嘢交俾律師處理,唔講咁多嘞。」

得奶奶愛錫,婚禮上葉翠翠戴上老人家贈送的家傳之寶翡翠戒指。

莊思敏少少低胸示人,性感但不會太搶新娘子鏡。

葉翠翠很愛錫父母,媽媽生前受腎病困擾,她甚至想過捐腎給媽媽。

一加再加

去年十月,知道周曉東跟葉翠翠拍拖後,離婚時分了前夫一半身家,被停職數月的前周太要求加生活費至$25,000,雙方爭拗一輪,周曉東願意每月支付$18,700。不過遭前周太拒絕,最後二人協議$19,920為女兒生活費(不包括學費,因周曉東直接給學校),與此同時,,二人協定若前周太搵到新工,男方會支付原定$9,350女兒生活費。今年 5月,早已返新工的前周太未有即時通告,周曉東要求對方提出入息金額,但遭一再拖延,他唯有照原定協議,每月支付$9,350女兒生活費。

本刊發現,在二人不連貫的短訊對話中,周曉東處處為女兒着想,一直希望息事寧人。

前周太 Grace Lam曾在聯合航空任職。

鍾意就快D Share啦!
Related Posts Plugin for WordPress, Blogger...