掃呢頁CODE去手機

2015年7月16日 星期四

高海寧胸大有腦 22分女神 高海寧,

高海寧 22分

高海寧胸大有腦 22分女神

昨日DSE放榜,一眾明星昔日的公開試成績在網上瘋傳,發現不少八十後「宅男女神」睇得兼有腦,會考成績更有20分以上!一向形象性感的藝人高海寧(高Ling)當年會考亦獲22分佳績,實在「估你唔到」!她更以過來人身份私訊粉絲打氣。至於「翠如BB」黃翠如當年會考獲25分佳績,歌手雨僑(Ava)更考獲26分,而歌手鄧紫棋(G.E.M.)亦有21分。

昨日中學文憑試(DSE)放榜,有別於DSE,許多藝人都經歷過會考階段,當年會考獲14分或以上便符合升讀預科資格,於網上瘋傳的藝人會考成績中,發現不少八十後「宅男女神」除了外表「煞食」,亦相當有腦!藝人高Ling除了形象性感,原來會考更獲得22分好成績,認真「估你唔到」!入行之後,高Ling不時以公開試過來人身份勉勵粉絲,她謂:「有時知道粉絲要考試,都會喺網上私訊同佢哋打氣。(有冇粉絲曾經向你報喜?)我fans club會長考DSE前已經跟緊我,依家佢已經做緊實習護士,有時我有藥物問題都會請教番佢。」高Ling又表示自己一向讀書成績不錯,故會考放榜前夕都沒有太擔心,原本預計自己必定有14分以上,但她和父母都想不到竟然考到22分好成績。

翠如講威水史喪喊

至於翠如BB當年會考獲得1A5B,相當於25分的佳績,順利升讀預科之餘,其後更入讀浸會大學傳理系,本報記者問到翠如BB如何勉勵考公開試的粉絲,她謂:「有fans都同我講成績,當然有啲好,有啲唔好,不過呢啲都係小朋友嘅經歷。」提到昔日會考威水史,翠如BB說:「當年其實不論考得好唔好,都好多愁善感,成績好唔好都圍埋一齊喊,依家諗番起個感覺都幾sweet,不過成績唔好唔代表乜,長大咗唔會影響生活。」

黃翠如 25分
  • 黃翠如 25分
雨僑 26分
  • 雨僑 26分
鄧紫棋 21分
  • 鄧紫棋 21分

雨僑勉考生出路多

另外,於傳統名校英華女學校就讀的歌手雨僑(Ava)當年會考獲得26分佳績,其後成功考入香港大學生物系,記者問到Ava當年會考成績好勁,她謙稱:「其實唔勁,可能係環境關係,會考26分原校升中六已經係墊底分數!」提到以前讀書情況,Ava表示非常辛苦和大壓力,而且將全部青春都投放讀書,她憶起當年會考考數學時,更一度「考到嘔」:「因為對呢科好有期望,喺試場嘔出嚟除咗尷尬,仲足足蹝咗廿分鐘。」她亦鼓勵應屆DSE考生毋須因為成績不好而過分憂慮:「環境許可嘅可以重讀,若覺得自己已經盡力,就唔使唔開心,或者可以學其他嘢。」

歌手鄧紫棋(G.E.M.)雖然讀書時期經常參加大大小小的歌唱比賽,但仍兼顧學業,會考亦有21分,惟直至截稿前G.E.M.未有回覆。

文:專案組

鍾意就快D Share啦!