探熱針
陳瀅失手機 離奇藏楊秀惠喼中
大台是非精楊秀惠恃住𢱑住個富貴男友唔憂錢途，扮晒大牌拍劇蝦新人，有指最近拍新劇《潮流教主》亦對住劇中兩位新小花蔡思貝、陳瀅擺款，早前陳瀅開工期間手機不翼而飛，事後竟然在楊秀惠的喼中尋回，夠晒奇情！
啟動追蹤功能
新劇《潮流教主》女主角是蔡思貝，楊秀惠戲份根本不多，但由於蔡思貝和陳瀅均是新人，做女二的李亞男個人又較易話為，令楊秀惠有機可乘開工扮一姐，對兩位後輩多多意見。
日前，楊秀惠跟陳豪、陳山聰、蔡思貝、陳瀅和許亦妮等在電視城拍廠景，拍到半夜，陳瀅突然發覺 iPhone手機不翼而飛，於是叫其他人幫手四圍搵。由於遍尋不獲，大家便提議陳瀅啟動手機中「 Find my iPhone」功能，手機就會自動響起。
用劇本夾實
當鈴聲響起，聲音竟然在楊秀惠平日用來開工的喼中傳出來。
「陳瀅部 iPhone喺楊秀惠個喼，仲用劇本夾住。佢兩個根本唔算 friend，事後楊秀惠交足戲，猛問點會咁㗎？在場有人忍唔住出聲窒楊秀惠：『唔好再問點解，講出嚟都尷尬』真係斷到正一正！」一名劇組工作人員說。
陳瀅得大台重用又多監製鍾意，但她自覺資歷淺又唔係大台親生女，最後息事寧人扮冇事，未有搞大事件，楊秀惠避過一劫。
人見人憎
楊秀惠入行逾十年，代表作欠奉，讓人印象深刻是搭上過孫耀威及愛靚變歪面，除此以外，便是連串辣着拍檔被數臭的負面新聞。
|
鍾意就快D Share啦！
|
|
|
