全城熱爆的娛樂八封新聞 & 時事趣聞 & 生活 + 趣聞
呢排股市大上大落，唔多唔少都會影響到樓市，但冇有怕嘅薛芷倫，上個禮拜五（七月十日）趁打完風，捉咗兩個地產經紀，落銅鑼灣睇樓。
當日一行三人去到利園山道一帶，附近有好多商住兩用舊樓，薛芷倫同經紀不時抬高頭手指指，研究位於二、三樓嘅樓上鋪單位，而另一位經紀仲準備埋大廈文件，俾薛芷倫過目。睇完樓上鋪，佢哋再行返去百德新街，之後上咗去有 45年樓齡嘅珠城大廈繼續睇，似乎薛芷倫對舊樓情有獨鍾。係咪入市等「落釘」好時機？其實講到尾，最緊要水頭充足啫！
睇舊樓，擺明用嚟投資，兩位地產經紀打孖服侍薛芷倫，一個負責手指指介紹樓上鋪，另一個就負責準備大廈資料文件。
利園山道一帶有唔少樓上鋪交吉，放租回報唔錯。
下一站去到 45年樓齡嘅珠城大廈，薛芷倫對旺區舊樓情有獨鍾。
