2015年7月2日 星期四

Mark實有米男友 李施嬅推劇等嫁 [壹週刊 - 1321] 李施嬅,李詩韻,M1,



李施嬅同男友拍拖一年,已經確定對方係結婚對象,但據知男友屋企唔想他們太高調。(《蘋果日報》圖片)

探熱針

Mark實有米男友 李施嬅推劇等嫁

最近改名李施嬅的李詩韻,在大台合拍膠劇《風雲天地》中飾演後生版汪明荃,得四集戲,但表現得阿姐讚賞,向計劃重拍《千王之王》的王晶力薦她,擔演當年由阿姐飾演的「譚小棠」一角。

不過一心等嫁富商的李施嬅已無心戀戰,即使同無綫尚有超過一年合約,都一於少理照推劇,甚至放棄唔做女一,留番啲時間陪男友旅行潛水。

貝沙灣同居

三十四歲李施嬅,入行十二年,一直浮沉於二、三線位置,明知上位無望,加上富商男友潘樹維屋企希望未來新抱低調,近半年,她已大大減少幕前演出,近乎零曝光。

雖然拍拖只有一年,不過李施嬅已認男友潘樹維是結婚對象,拍拖不久已經在微博公布戀情,主動確認主權,甚至用盡全副精神,箝實男友。

據了解,除了香港的生意,潘樹維在美國亦有公司,所以要經常飛來飛去,加上男友是潛水發燒友,更是香港潛水總會董事局成員和海洋科學委員會委員長,李施嬅亦投其所好,做跟得女友陪對方周圍潛。

已搬到男友貝沙灣寓所同居的李施嬅,出入代步的 Volkswagen白色 Golf,亦是男友名下公司持有,可見雙方關係,非常穩定。

為了迎合男友好動性格,李施嬅最近都鍾情水上活動,又學玩賽車。

去年李施嬅在微博上宣布拍拖,但 post了一段日子,又將這段微博刪除。

李施嬅現在所揸的車,是其男友公司名下。

放棄做女一

想將全部時間都放在男友身上,所以李施嬅去年底和商天娥、王浩信等拍完新劇《樓奴》後,已再沒有接劇。

「公司本身已經好缺花旦,阿佘又好揀擇,杏兒同子珊份合約未傾掂,暫時唔會肯接劇,(鍾)嘉欣之前又要放長假,所以啲監製唯有搵詩韻(李施嬅),有幾部仲係做女主角;不過佢話唔得閒全部推晒,推咗幾次公司唔俾再推,一定要佢開工。

「最後佢接有吳啟華、黎諾懿嘅《純熟意外》,但佢唔肯孭女主角,話鍾意另一個要分飾幾角嘅角色,發揮機會大啲!其實大家都明,佢貪個角色戲份少,拍三個星期左右就可以收工,向公司交代到又唔會長時間阻住拍拖,就算俾蔡思貝做女主角,佢一啲都唔介意。」一名幕後人員說。

沒有男友喺身邊,李施嬅悶悶不樂,行街都鼓埋泡腮。

上星期三,李施嬅試完造型,就去到東港城會合黃智雯同胡蓓蔚去 high tea。

High完 tea仲要晚飯直落,李施嬅揀了支酒同班姊妹一齊歎。

快手搞掂

上星期三(六月二十四日),李施嬅返大台為新劇試造型,由於佔戲唔多,造型有限,下午四時已搞掂走得。離開電視城後,李施嬅到將軍澳東港城會合黃智雯和胡蓓蔚在 Pacific Coffee飲嘢,之後去埋超市買了些食物和紅酒返清水灣半島再 hea,直至晚上九時才離開。

唔想拍劇被困身起碼三個月,李施嬅寧願唔做女一,讓俾蔡思貝做。

李施嬅與商天娥、王浩信、岑麗香及麥包拍完《樓奴》後,半年內不斷推大台工作。

在《風雲天地》裡面,李施嬅只得四集戲,但被阿姐讚演技好。

坐唔穩

03年香港小姐最上鏡小姐李詩韻(現已用原名李施嬅),入行超過十年,直至 11年才有機會擔正女一,可惜唔可以長期坐穩,不時被貶落二、三線角色,十分飄忽。

《紫禁驚雷》

等足八年, 11年終於被公司安排做女主角,在古裝劇《紫禁驚雷》擔正,其後更一劇接一劇。

《情越海岸線》

演出機會多,但卻無法穩守花旦地位, 13年在《情越海岸線》、《熟男有惑》等劇做第二女主角,坐唔正。

《寒山潛龍》

浮浮沉沉的李施嬅, 14年在古裝劇《寒山潛龍》再被安排做阿二,但她暗中向監製羅永賢求救要求加戲份,最終另一主角林夏薇的戲份被刪減,成就了李施嬅。

看守碼頭

女星最終理想,是嫁個有錢人上岸。目標明確,搭上富貴男後,為免漏眼失手俾人撬走,唯有全天候監控,減產推 job做跟得女友。

黃智雯

受公司力捧在新劇《拆局專家》擔正,但 32歲黃智雯做又 36唔做又 36,與謝瑞麟集團市務董事詹文天拍拖兩年,已經係半個詹太的她,自由出入男友家,得閒就等男友收工再去名店掃貨,出入平治跑車,唔憂做。

姚子羚

撻着物業過億,家族有過百部的士揸手的有米鄭子邦後,姚子羚近半年開始減少接 job,更為男友改食素、學煮齋,隨時今年嫁。

沈卓盈

12年與做金融的富貴男友麥偉汶一撻即着,沈卓盈更進駐男友位於禮頓山豪宅同居試婚,過去雖然傳出二人不時吵大鑊,但沈卓盈依然不離不棄,企硬推 job。

朱璇

11年與湯臣集團二公子湯珈鋮撻着後,朱璇已甚少出現幕前。

鍾意就快D Share啦!
Related Posts Plugin for WordPress, Blogger...