掃呢頁CODE去手機

2016年5月26日 星期四

周子揚上海開工作室發圍 [壹週刊 - 1368] __,周子揚,M1,

游到成條飛魚咁,好生猛!娛樂偵訊周子揚上海開工作室發圍前度何傲兒被拍得與台男同遊海洋公園,甩拖周子揚自動失蹤一段時間後,最近再度出沒。記者發現他一個人在淺水灣做掌上壓舉啞鈴,更由岸邊操到落埋水!據了解,同無綫已經滿約的周子揚,早前在上海成立個人工作室,準備大展拳腳,所以開行turbo狂操。騎呢沙灘操上週四(五月十九日)下午兩點幾,周子揚一支公出現淺水灣海灘,冇女同行亦冇伴,只見他做完掌上壓又舉啞鈴 ...


游到成條飛魚咁,好生猛!

娛樂偵訊

周子揚上海開工作室發圍

前度何傲兒被拍得與台男同遊海洋公園,甩拖周子揚自動失蹤一段時間後,最近再度出沒。記者發現他一個人在淺水灣做掌上壓舉啞鈴,更由岸邊操到落埋水!

據了解,同無綫已經滿約的周子揚,早前在上海成立個人工作室,準備大展拳腳,所以開行 turbo狂操。

騎呢沙灘操

上週四(五月十九日)下午兩點幾,周子揚一支公出現淺水灣海灘,冇女同行亦冇伴,只見他做完掌上壓又舉啞鈴,好騎呢!

冇見一排,將頭髮染金的周子揚曬黑了不少。郁完一輪,已經流晒汗的他先灌水,之後在袋中摷了個蘋果出來,食完就落水。

閒日沙灘冇乜人,周子揚飛魚上身,撲水成個鐘,才上岸抹身走人!

去沙灘舉啞鈴,周子揚認真另類。

周子揚做掌上壓,冇手軟!

周子揚泳褲外加波褲,慌死益人!

唔再死守香港

同前度甩拖後,自動消失的周子揚同大台亦約滿,據知,他在上海成立了個人工作室,這幾個月冇影,原來是返了北京拍戲。

「其實 Hinson(周子揚)老豆想個仔幫手打理屋企啲生意,不過, Hinson對娛樂圈仲係好有興趣,同無綫滿約後,佢都做咗好多登台同司儀 job;又識咗唔少內地製作人,佢話喺北京拍咗部戲之後,發覺內地市場好大,需求量好多,就算唔係一線阿哥阿姐,都有好多機會。 Hinson覺得再死守香港冇用,所以佢喺上海搞咗個工作室,會同內地啲影視娛樂公司合作,嚟緊佢會拍一部內地電視劇,除咗管理自己,如果撞到啱嘅人, Hinson都會簽。」知情者說。

北上發展的周子揚,近日有機會跟內地著名製片人安曉芬合作。

去年大爆遭何傲芝苛索生活費,周子揚遭何氏姊妹發律師信要求公開道歉。

曬黑 man啲

成立工作室外,周子揚仍會兼顧地產和金融工作。

「 Hinson認為金融投資同娛樂事業絕對可以掛鈎,內地大部分藝人都會投資做其他生意,唔會只做一瓣。所以呢排佢真係好忙,就算有時間返香港見吓屋企人, Hinson都唔敢偷懶,日日走去沙灘操,因為佢想換過個 look,話曬黑啲望落可以 man啲喎!」知情者說。

對住個海做拉筋,特別有 feel。

狂操兩個鐘,周子揚只係食咗一個蘋果。

近年在內地爆紅的王祖藍、陳小春,亦先後成立自己工作室。

在無綫五年,最重戲份是主演《四個女仔三個 bar》。

百足咁多爪

32歲的周子揚, 09年做歌手入行,兩年後轉型拍劇, 11年加入無綫簽下五年經理人合約,不過,拍劇只係副業,周子揚百足咁多爪,父親周業德是擅長炒賣物業的「西貢地王」,周子揚自己亦與父親開設「星匯物業有限公司」,擔任執行董事,及投資開設「貝格隆證券有限公司」;近日,他在上海成立「周子揚工作室」,搞埋娛樂製作。

撰文、攝影、攝錄:娛樂組


鍾意就快D Share啦!