2016年5月12日 星期四

富貴同門 吳若希師妹岑日珈 住 4,000呎獨立屋 [壹週刊 - 1366] __,吳若希,岑日珈,M1,

探熱針富貴同門 吳若希師妹岑日珈 住4,000呎獨立屋吳若希同經理人的22歲師妹岑日珈,早前被本刊踢爆跟57歲股神王弼燮酒店約會,二人更一個漢堡包兩份食,事後岑日珈表示鍾情成熟男。有老闆照住,岑日珈愈來愈富貴,除擔正電影女一,獲公司贈送「ANGIEBB」車牌外,近日又搬入位於沙田、月租超過十萬的4,000呎連泳池獨立屋,有計。掃梳化燈飾上週二(五月三日)黃昏落大雨,岑日珈被發現在沙田專賣傢俬的Ho ...


探熱針

富貴同門 吳若希師妹岑日珈 住 4,000呎獨立屋

吳若希同經理人的 22歲師妹岑日珈,早前被本刊踢爆跟 57歲股神王弼燮酒店約會,二人更一個漢堡包兩份食,事後岑日珈表示鍾情成熟男。有老闆照住,岑日珈愈來愈富貴,除擔正電影女一,獲公司贈送「 ANGIE BB」車牌外,近日又搬入位於沙田、月租超過十萬的 4,000呎連泳池獨立屋,有計。

掃梳化燈飾

上週二(五月三日)黃昏落大雨,岑日珈被發現在沙田專賣傢俬的 Home Square掃貨,著短裙露長腿的她,先在售賣歐洲梳化的幾間鋪行一轉,然後再去睇燈飾,直至有收穫才離開。

新屋入伙睇傢俬,本刊發現岑日珈近日放上 fb的幾張新居相,除大屋花園外種有心形剪裁的矮樹外,一張愛犬在廚房以及另一張在樓梯的相片,不難發現她的新居超級寬敞。出道兩年的她,已經升呢住大屋。

「 Angie啱啱搬入新屋,間屋四層有成四千呎,有泳池同花園,佢諗住遲啲先搵人睇風水,不過早排整親手入咗兩次急症,佢覺得唔可以再等。加上佢養咗五隻狗六隻貓,有好多嘢要整,依家隻手又唔方便,都要搵朋友幫手。」知情者說。

Facebook發現

泳池一角,啱啱搬入去仲未搞掂,好明顯未注水。

面積近四百呎的廚房,中間置有大抽油煙機。

新居連天台有四層樓,愛犬在樓梯跑來跑去。

屋外種有心形矮樹。

再入急症

上月初入住大屋,不過卻有血光之災,岑日珈在新居被愛犬「笨笨」狂咬以致中指甩甲,以為小事未有即時睇醫生,直至上星期,執屋時,又再撞爆指甲,由於流血不止,她要入院做手術縫針。禍不單行,數日前,她又不慎撞傷手,要半夜入院睇急症。

在燈飾鋪逗留了一陣,買了一盞數千元的座枱燈。

上週二黃昏,手指啱啱做了小手術的岑日珈單拖到沙田睇傢俬,看得上眼的都是歐洲真皮梳化。

去年底,她跟經理人公司老闆王弼燮在尖沙咀洲際酒店飲下午茶,雖然有其他人在座,但二人一個漢堡包兩份食。

愈來愈富貴的岑日珈曾在 fb大晒收到的三隻鑽石鈪禮物。

今年初,她又在 fb大晒公司贈送的 BB車牌,而掛上車牌的公司保母車價值接近一百萬。

手傷未癒,她日前仍包住中指出席首映禮,對於搬入四千呎新屋,她說:「係搬咗新屋,(大咗好多?)少少大啦。(係咪你嘅 dream house?)好滿意,每個人嘅理想都係,每一次(新居)都比上一次再大啲。間屋冇乜特別裝修,傢俬搞掂晒。(係咪使咗好多錢?)都 OK正常,係搬屋都要使啲錢……錢嘅。(有冇使咗幾十萬?)冇。」

四千呎大屋,有泳池有花園,難怪岑日珈都要重複用兩個「錢」字嚟搬屋!

去年暑假,經理人公司老闆有份投資電影《 PG戀愛指引》,她擔正做女角。

養狗又養貓,岑日珈會經常攬住愛犬影合照。

咬傷她的愛犬笨笨,早前要送到犬隻訓練學校重新接受訓練一個月。

去日本旅遊,岑日珈將戰利品鋪滿酒店房。

坐頭等到日本旅行,她也拍低相放上 ig。

平日食貴價好西,她也會 po上 fb。

有水喉 更上一層樓

忽然富貴係娛圈女星常見現象。因為有條件、有姿色,女藝人往往輕易得到金主的鼎力支持,提升生活質素,更上一層。

吳若希

去年騷價五萬的吳若希,被發現由原來用 40萬 Benz代步,一跳轉揸 200萬波子出入,且入住月租四萬的何文田豪宅君頤峰。搖身一變做上等人,只因有水喉射住!波子的車主登記是半百會計師郭志燊,至於豪宅背後的「支持者」,有傳是另一金主,人稱十哥的地產富豪林棣權。

朱晨麗

在內地小康之家出身的朱晨麗,當選港姐後在大台月薪萬五,去年卻有能力由將軍澳寓所,進駐到月租十五萬的金鐘太古廣場「柏舍」服務式住宅。住得豪,消費力亦增強,歐遊坐頭等兼夾一身名牌,出入有司機接載。 14年她以七百萬買入將軍澳 Parkside,咁有米,斷估唔係靠份萬零蚊嘅人工囉!

撰文、攝影、攝錄:娛樂組


鍾意就快D Share啦!
Related Posts Plugin for WordPress, Blogger...