倪妮（左）同李冰冰（右）都疑似真空上陣。
一年一度嘅康城影展又嚟喇！每年呢個時候，康城紅地氈必定成為大陸女星爭艷鬥麗之地，隨時好睇過頒獎禮呀！不過今年康城大陸女星就冇以前咁多，連康城紅地氈常客范冰冰都冇到場，真係有啲失色，不過好彩都有影后鞏俐、李冰冰、倪妮同劉亦菲撐吓場。而最性感可謂李冰冰同倪妮喇，佢哋兩個都疑似真空上陣，李冰冰條裙雖然包到上頸，但性感在側邊，只要冰冰側身就大晒波邊，仲有大露背，配合埋超大裙襬，喺紅地氈上真係霸氣十足！
至於倪妮雖然冇冰冰晒波邊咁性感，但佢條裙胸前嚟個大Deep V，大晒佢平胸八字波同埋幾條胸骨，瘦就瘦咗啲，但都可以講係「骨感美人」。
而最hea嘅女星可以話係劉亦菲，佢條裙娘味甚重之餘，最出事係佢個頭，好似啱啱瞓醒冇梳過一樣，畀人感覺唔多整齊，睇嚟佢要跟冰冰同倪妮學吓嘢先得！
來源 source: http://hk.on.cc
|
鍾意就快D Share啦！
|
|
|
