掃呢頁CODE去手機

2016年5月12日 星期四

買 500萬超辣跑 孫穎載 77歲劉詩昆兜風 [壹週刊 - 1366] __,M1,

12年,孫穎以20萬投得「11OVEU」車牌。娛樂偵訊買500萬超辣跑 孫穎載77歲劉詩昆兜風孫穎跟劉詩昆去年公開戀情後,女方更獲男友贈送過千萬定情鑽石戒指,有來有往,為氹男友開心,孫穎早前一炮過購入全港暫時只有一架、價值五百萬的檸檬黃Bentley辣跑,男友沒有車牌,孫穎更願意做全天候司機。簽字交收上週四(五月六日)下午,由大型拖車載住的開篷黃色Bentley跑車抵達沙田御龍山,新車落地後,孫穎 ...


12年,孫穎以 20萬投得「 1 1OVE U」車牌。

娛樂偵訊

買 500萬超辣跑 孫穎載 77歲劉詩昆兜風

孫穎跟劉詩昆去年公開戀情後,女方更獲男友贈送過千萬定情鑽石戒指,有來有往,為氹男友開心,孫穎早前一炮過購入全港暫時只有一架、價值五百萬的檸檬黃 Bentley辣跑,男友沒有車牌,孫穎更願意做全天候司機。

簽字交收

上週四(五月六日)下午,由大型拖車載住的開篷黃色 Bentley跑車抵達沙田御龍山,新車落地後,孫穎跟劉詩昆校啱時間孖住出現,當日 30度高溫,唔想再等,待車行職員講解完新車設備後,孫穎亦隨即簽文件完成交收。見到新玩具,劉詩昆急不及待試坐一輪後,又拎住手機影相,相當雀躍。

「黃色 Bentley暫時全港只得一部,如果要買都要再等半年,其實 Samantha(孫穎)都冇諗過呢個年紀會再買跑車,事關佢十幾歲有車牌之後,第一架揸嘅就係跑車。直至早排去咗一個 party,老師(劉詩昆)試坐過呢部跑車,發覺夠晒闊落又舒服,喺 Samantha面前大讚,佢先決定扑槌俾錢。」知情者說。

車廂內真皮梳化全由人手縫製。

驗完車,孫穎即時簽名交收。

Bentley廠規定,顧客購買的新車,一定要零咪數,所以新車由拖車載到車主屋企。

二人平日出入坐 Bentley房車,因車廂內籠夠闊落,啱晒劉詩昆高大身形。

女友做司機

由於經常中、港兩地走做表演,二人已經有一架由司機開的 Bentley房車接送出入,所以就算多一部辣跑,也只為滿足劉詩昆多年心願。

「劉老師一直想買跑車,佢之前試過 Benz,但發覺車廂唔夠闊,所以最後都打消念頭,而決定買 Bentley跑車, Samantha已經知道要做埋司機,事關劉老師冇車牌,多數都係佢揸。其實 Samantha近年比較鍾意坐火車,因為行車夠定,佢可以讀書寫嘢,多咗好多時間用。」知情者說。

近年主力發展兒童教育,在內地擁有二百多間幼稚園及音樂學院,孫穎經常都要返內地開會巡視學校,劉詩昆也間中返內地交流表演,業務穩定發展,但二人就未有結婚計劃。

「 Samantha都冇諗過結婚,佢覺得一紙婚書唔代表啲乜嘢,如果兩個人諗法一致,結同唔結都無問題。好似佢哋啱啱去韓國同意大利男高音 Andrea Bocelli見面,兩個人都好開心,劉老師仲即時喺現場彈咗一曲。」知情者說。

孫穎早前 40歲生日,劉詩昆替她開 P慶祝,向華勝太太亦有被邀出席。

二人去年到歐洲旅行,劉詩昆在當地買了一隻過千萬的鑽石戒指送給她。

在御龍山住了多年,今年初買了隔籬單位打通,面積約五千呎。

上月二人飛韓國見正在當地度假的意大利男高音 Bocelli,劉詩昆開心到即場彈琴。

撰文、攝影、攝錄:娛樂組


鍾意就快D Share啦!