娛樂偵訊
素人美魔女真人騷未齊腳 羅霖陳莉敏齋等
ViuTV以真人騷做主打的節目，贏收視贏口碑！反之收視每況愈下的大台為救亡，下旨《沒女大翻身》出位編導岑應密鑼緊鼓搞美魔女真人騷，更找來美魔女羅霖同陳莉敏負責領軍，有指仍未搵齊素人美魔女，搞到羅霖等人空等，反擊戰隨時落空。
打厚臉皮抄橋
面對 ViuTV來勢洶洶，一班女仔打到飛起的《 G-1格鬥會》成功製造話題，搞到大台收視下降，在陣腳大亂下，先叫崔建邦停工半年特訓參加職業 MMA搵命搏，格鬥橋照抄。
四十至六十歲
為了盡怏安排新節目對戰，技窮的無綫只好找擅長搞真人騷的編導岑應出手。「岑應之前搞嘅《沒女大翻身》、《求愛大作戰》同《盛女愛作戰》都能夠成功製造話題，無綫要搞個熱話節目，所以一諗就諗到岑應，要佢急搞嚟反擊。岑應好快就諗到橋，話要搞個美魔女真人騷，仲搵埋羅霖同陳莉敏做膽，再搵班四十至六十歲嘅素人美魔女撐起個節目， gimmick夠晒。」有知情者說。
希望六月開拍
據知，羅霖與陳莉敏已準備隨時 standby拍攝，可惜因為未搵到素人美魔女，搞到遲遲開唔到工。「本來幾個禮拜前想開始拍，不過，素人美魔女真係好難搵，搵到而家都仲未搵到，羅霖又要飛歐洲影嘢，希望六月可以開拍，如果仲未開到，真係大鑊，最急切係搵個素人美魔女，岑應、陳莉敏同羅霖已經散晒口風俾身邊朋友，叫佢哋幫手留意。」有知情者說。
已低調面試
因時間緊逼，倉促埋班下，據聞之前低調面試的素人，質素麻麻！「係有啲素人參加選舉，不過，質素真係太差，根本稱唔上係美魔女，有啲仲整容整到好勁。岑應已經俾闊條路自己行，要求個素人唔限係香港人，可以係內地或者係台灣人，可能到最後為咗反擊戰，岑應又要使出做枚嘅絕招。」有知情者說。
撰文、攝影、攝錄：娛樂組
來源 source: http://hk.next.nextmedia.com
|
鍾意就快D Share啦！
|
|
|
