2016年5月12日 星期四

低調出嫁 慳妹董敏莉結婚 look一腳踢 [壹週刊 - 1366] __,董敏莉,敏莉,M1,

新娘手執嘅氣球花花,係佢自己扭,頭飾亦係自製,佩服!陪伴佢三十多年的加菲貓「阿肥」,著曬老西做「證婚」。娛樂偵訊低調出嫁 慳妹董敏莉結婚look一腳踢圈中喜事接二連三,月初下嫁永安太子爺的楊愛瑾(Miki),在深灣舉行結婚派對。有人喜歡隆重留下浪漫回憶,亦有人選擇簡單實際。上月中35歲董敏莉(Monie),低調下嫁半百律師莊耀金,婚禮全程簡約,新娘子Monie更以慳為原則,由頭到腳的結婚look, ...


新娘手執嘅氣球花花,係佢自己扭,頭飾亦係自製,佩服!陪伴佢三十多年的加菲貓「阿肥」,著曬老西做「證婚」。

娛樂偵訊

低調出嫁 慳妹董敏莉結婚 look一腳踢

圈中喜事接二連三,月初下嫁永安太子爺的楊愛瑾( Miki),在深灣舉行結婚派對。有人喜歡隆重留下浪漫回憶,亦有人選擇簡單實際。上月中 35歲董敏莉( Monie),低調下嫁半百律師莊耀金,婚禮全程簡約,新娘子 Monie更以慳為原則,由頭到腳的結婚 look,一腳踢!

由頭到腳自己嚟

事先講明不愛鋪張的董敏莉( Monie),結婚儀式果然一切從簡兼慳家,節儉程度比出名慳妹的鍾嘉欣有過之而無不及!在零婚紗零行頭冇 cocktail之下成婚,進入人生另一階段。

不求浪漫,但求實際的新娘子 Monie,當日身穿獲贊助的白色通花短裙代替婚紗,連幾千蚊置裝都慳番。至於頭上的喱士裝飾及手持的氣球花球,亦是她自製。新娘妝及 set頭, Monie都一腳踢自己搞掂。

律師新郎莊耀金同樣講求實際,喺自己地盤律師樓進行簽字儀式,一於自己婚事自己包辦。當日一對新人禮成後,繼續貫徹從簡宗旨,與十多名出席觀禮的親友到金鐘一間酒店歎自助餐,省卻 book場布置、安排座位的煩惱。

揀條白色喱士通花短裙出嫁,新娘 Monie話:「日後可以著得番,唔好嘥!」

不愛傳統嘅一對新人,早前去新加坡影一輯冇婚紗的「婚紗相」。騎在老公身上的 Monie,甜蜜感覺一樣濃。

以極罕的泳衣照代替婚照,操刀嗰個相信都係佢老公

加菲貓做證婚

雖然婚禮超級簡約,但結婚話晒係人生大事,一對新人在宣誓一刻亦出現緊張,甚至喊咗出嚟。唔係感動到喊,而係笑到標眼淚。「簽字時,本來諗住好簡單嘅誓詞,老公亦揀咗個短嘅誓詞版本,點知兩句說話我都可以讀錯三、四粒字,佢都係,大家都忍唔住笑咗!」 Monie說。

不過真正笑位,是陪伴 Monie三十幾年,會不時跟她「傾偈」的加菲貓公仔「阿肥」,被新娘安排做「證婚」,嚇窒在場證婚律師。「阿肥嗰日著晒西裝咁嚟,我安排佢企喺做證婚嘅律師面前,個律師唔知發生咩事,我哋見到都忍唔住笑,笑到眼淚都出埋!」 Monie續說。

老公莊耀金係律師,簽字儀式梗係喺返自己地頭(律師樓)進行

曾在電影《單身部落》與對手安雅激嘴,破格是 Monie的作風。

Monie是 04年出道的歌手,與她同期的陳苑淇亦成人妻。未嫁出的戴夢夢,唔知幾時先可以坐正,做鼓手 Ricky的老婆。

寶石嫁妝都唔晒

婚禮從簡,連婚紗都慳番!原來人妻 Monie講求環保,話結婚服著唔番,會好嘥!她說:「我同老公都係怕煩,結婚好多嘢安排對我哋嚟講係好大壓力,所以一切簡單。我唔係太鍾意傳統禮服,所以揀喱士短裙著,之後可以著得番嘛!」

連嫁妝佢都收埋,唔肯晒一晒。「其實媽咪買咗條紅寶石頸鏈俾我做嫁妝,但我怕大頭蝦整唔見,所以條寶石鏈同埋親戚送嘅金器,都統統只係收藏,冇戴。」呢個新娘認真另類!

Monie低調出嫁,連媒人路芙都冇出席婚禮。一對新人稍後設飯局補請朋友。

人妻 Monie婚後主力推出畫集,早前的結婚請柬亦係出自佢手筆。 Monie的作品喜畫背面,她說背影代表思念,左邊一幅是她想念生前的爸爸拖着哥哥及她。

撰文、攝影、攝錄:娛樂組


鍾意就快D Share啦!