2016年5月12日 星期四

突然 friend咗? 欣宜拉婷婷做「賣餅女」 [壹週刊 - 1366] __,婷婷,欣宜,M1,

同欣宜由細鬥到大的謝婷婷,日前現身欣宜的車仔檔,幫手賣曲奇。探熱針突然friend咗? 欣宜拉婷婷做「賣餅女」宣布唔再減肥,欣宜唔理世俗眼光做番自己。話咁快就打回原形,最近體重又再創高峰,保守估計接近220磅,重形過航空母艦!但一樣無損欣宜嘅自信心,貼身衫、低胸裙一樣照著。早前欣宜有新搞作,推出自家品牌Homiecookies,用埋自己做生招牌,真係睇見都覺得肥膩!上週欣宜喺中環PMQ開檔,一連五 ...


同欣宜由細鬥到大的謝婷婷,日前現身欣宜的車仔檔,幫手賣曲奇。

探熱針

突然 friend咗? 欣宜拉婷婷做「賣餅女」

宣布唔再減肥,欣宜唔理世俗眼光做番自己。話咁快就打回原形,最近體重又再創高峰,保守估計接近 220磅,重形過航空母艦!但一樣無損欣宜嘅自信心,貼身衫、低胸裙一樣照著。

早前欣宜有新搞作,推出自家品牌 Homie cookies,用埋自己做生招牌,真係睇見都覺得肥膩!上週欣宜喺中環 PMQ開檔,一連五日欣宜親自到場拉客,睇檔、賣餅、數錢,一腳踢,好彩有唔少老友撐場,就連宿敵謝婷婷都嚟幫手做「賣餅女」。

一腳踢

投資六位數做賣餅,欣宜年初喺尖沙咀開短期 pop-up store,結果賺咗個 double。欣宜食過翻尋味,最近喺中環 PMQ開車仔檔,賣曲奇之餘,仲自創麻辣味雪糕,賣埋雪糕三文治,希望再賺一筆。

一連五日,欣宜都親自落場賣餅,由朝坐到晚, sell客、派傳單、包裝、收錢,仲做埋人肉布景板,任影唔嬲。現場所見,餅店好好成績,幾乎日日賣清光。

著住開胸裙的欣宜,時不時趴喺枱 sell曲奇,心囗兩團肉,簡直令人窒息。

欣宜攬實藍奕邦一副冧樣,好重口味呀!

婷婷落力 sell餅之餘,仲唔介意俾客仔捉住影合照。

開胸 sell客

週日(八日),最後一日擺檔,欣宜瞓身 sell客。當日一早就到場坐鎮的欣宜悉心打扮,一條藍色開胸背心裙,露出大大對麒麟臂,側面睇完全冇腰冇線條。但係一𠌥低身,心口兩團肉,簡直令人窒息。

老闆娘當日表現非常風騷,出力𢱑生意,不時用高八度聲線拉客,加埋浮誇嘅表情同動作,果然有效,吸引唔少途人駐足。其間仲有客仔要求合影,欣宜都來者不拒,仲送埋嘟嘴、 V字 cute爆表情,交足功課。肥妹仔怕熱,唔夠半粒鐘,欣宜就熱到大汗疊細汗,好彩有「肥人恩物」風扇仔頂住,唔怪得欣宜行到邊吹到邊。



欣宜由朝到晚喺檔口坐鎮,又派傳單,又幫手埋數,冇偷懶。

側面睇欣宜虎背熊腰,真係重型過航空母艦。

連日來唔少圈中老友去車仔檔幫襯買餅。

婷婷撐場

當日下晝,先有老友藍奕邦前來幫手睇檔,之後,同欣宜由細鬥到大的宿敵謝婷婷都現身撐場。同樣出身演藝世家,又同期出道,外間經常將欣宜同婷婷比較,以往同場碰面都冇乜兩句,原來二人暗地裡 friend底!一身工人褲帶住超的婷婷到場,坐埋一邊歎完雪糕,就開始做「賣餅女」,同欣宜一齊拉客。唔係自己生意,但婷婷都落足力,同欣宜你一句、我一句,不停 sell餅。兩姊妹又面貼面,攬埋一嚿玩 selfie,真係唔講唔知你哋咁 friend喎!

決定放棄減肥嘅欣宜,早前約埋老友 high tea,全程狼吞虎嚥,搏命食。

食飽之後,欣宜同老友邊行邊講是非,講到七情上面,鬼咁肉緊。

體重不斷創新高,但無損欣宜自信,經常著泳衣晒心口。

早年有張玉珊幫手,欣宜成功減至一百二十磅標準身形。

比下去

同在加拿大成長的鄭欣宜和謝婷婷,亦同是名人二代,二人相識於兒時,由學生年代開始,外界已經將欣宜和婷婷相提並論,其後雙雙加入娛樂圈,各方面都被網民作比較。

13年,張玉珊成功幫欣宜減去 90磅肥肉,成為修身堂生招牌; 09年欣宜暴食翻脹,加上張玉珊為求突破,物色同是星二代的謝婷婷任代言人,以噴血水著出擊,欣宜豐滿身形跟纖瘦婷婷形成強烈對比,被喻為肥瘦 Twins,曾令二人不和再度升級。

撰文、攝影、攝錄:娛樂組


鍾意就快D Share啦!
Related Posts Plugin for WordPress, Blogger...