2016年5月26日 星期四

同老婆開 turbo啤多件 張繼聰養精蓄銳 [壹週刊 - 1368] __,繼聰,張繼聰,M1,

唔使開工的張繼聰勤做運動跑步,為生B保持狀態!探熱針同老婆開turbo啤多件 張繼聰養精蓄銳拍大台劇入屋,帶挈張繼聰人氣急升,近年影視兩忙,就算老婆謝安琪要放假一年追女,他都可以一力承擔養家重責。除咗努力搵錢,生女有責的張繼聰亦冇怠慢,唔使開工就做運動,養精蓄銳!唔想做高齡產婦同謝安琪一直恨追多個的張繼聰,口口聲聲想要個猴B,更期望為囝囝張瞻添個細妹!為咗老公同囝囝,已榮登高登女神的阿Kay惟有放 ...


唔使開工的張繼聰勤做運動跑步,為生 B保持狀態!

探熱針

同老婆開 turbo啤多件 張繼聰養精蓄銳

拍大台劇入屋,帶挈張繼聰人氣急升,近年影視兩忙,就算老婆謝安琪要放假一年追女,他都可以一力承擔養家重責。

除咗努力搵錢,生女有責的張繼聰亦冇怠慢,唔使開工就做運動,養精蓄銳!

唔想做高齡產婦

同謝安琪一直恨追多個的張繼聰,口口聲聲想要個猴 B,更期望為囝囝張瞻添個細妹!

為咗老公同囝囝,已榮登高登女神的阿 Kay惟有放棄吸金良機,暫別樂壇做番「張師奶」,希望養好身子,趕在四十歲前生第二胎。

「阿 Kay都三十九歲,佢唔想太遲做高齡產婦。前幾年因為工作太忙,佢根本冇時間諗生 B,但阿聰成日提住想追個女,所以阿 Kay先決心放低工作,專心造人。佢同我哋一班朋友講過,如果今年真係中到,就可能唔只停工一年,仲話阿聰而家嘅收入唔錯,根本唔使佢擔心!」謝安琪身邊人說。

用汗水換腹肌,張繼聰唔敢鬆懈,以免八合一。

忙住為新劇《幕後玩家》開工的張繼聰,同劉佩玥有不少對手戲。

做番「張師奶」,阿 Kay陪囝囝(圓圈)踢波。

一個禮拜四次

之前雖然要忙於為新劇《幕後玩家》開工,但恨女恨到出口的張繼聰,無論工作幾忙都堅持跑步同做 gym,以最佳狀態,配合老婆生 B大計。

上週日(五月十五日)下午約五時,阿 Kay外出出席粉絲聚會,張繼聰則一支公從大埔寓所出發跑步,大熱天著住長風褸的他跑了大半粒鐘,已滿頭大汗!

「阿聰無論幾忙,都堅持一個星期做四日運動,除咗因為要 keep住八嚿腹肌,佢話做運動個人會健康好多,尤其係造人階段,更加要勤力啲,有時佢仲會叫阿 Kay一齊跑!」

阿 Kay偶然亦會陪老公練跑。

張繼聰賺錢唔及阿 Kay,但不損二人感情。

上週日,老公外出練跑,阿 Kay就約埋歌迷齊齊睇《殭》大結局。

老公有能力擔家

近年張繼聰當旺,無論廣告、剪綵、電影、司儀 job,酬勞都比過去跳升不少,令謝安琪終於放心,停工生 B。

「屋企有老有嫩,又要供樓,經濟壓力一定唔細,但呢兩年阿聰收入多咗好多,所以阿 Kay先放心暫時唔做,加上囝囝已經八歲,過多幾年就會踏入反叛期,兩公婆商量過,認為呢個時候,家長應該俾多啲時間個小朋友。」謝安琪身邊人說。

囝囝張瞻想要個細妹,阿 Kay決心暫退,趕在 40歲前生 B。

影視兩忙,張繼聰再忙也會安排時間和囝囝相處。

阿 Kay在劇集《殭》中雖然包到實,仍難掩驕人身材。

張繼聰化身喪屍,幫老婆孭飛的劇集宣傳。

結婚多年,兩公婆人前人後都表現恩愛。

張繼聰憑《老表,你好嘢!》彈出後,人氣逐步上升。

一追再追

除非唔生,否則,大部分父母都認為生一個太少,圈中有唔少女星,都想趕尾班車,追多個!

李嘉欣

已育有一子(許建彤)的李嘉欣,一直揚言想追個女,早前大美人現身麥當娜演唱會時用手遮肚,一度令人懷疑有喜。

楊千嬅

13年誕下兒子丁進諾後,千嬅一直想再生多個,今年初,她停工放假,同老公丁子高旅行努力造人。

袁詠儀

兒子張慕童已經九歲,袁詠儀一直希望為囝囝添個伴,有指她拜神求子,並揚言以生 B為今年目標之一,恨 B恨到出晒面。

撰文、攝影、攝錄:娛樂組


鍾意就快D Share啦!
Related Posts Plugin for WordPress, Blogger...