2017年3月12日 星期日

【今晚大結局】偽毒吳業坤「世界級演技」變笑話 嘥咗田蕊妮啲「氣」… __,吳業坤,田蕊妮,

鄭嘉穎同田蕊妮演出嘅大台劇集《迷》將會喺今晚大結局,雖然呢套戲嘅收視平平,但係阿田嘅演出就受到網民讚賞,繼前嗰集,田蕊妮個女簡淑兒同綁匪合作,想攞田蕊 ...


鄭嘉穎同田蕊妮演出嘅大台劇集《迷》將會喺今晚大結局,雖然呢套戲嘅收視平平,但係阿田嘅演出就受到網民讚賞,繼前嗰集,田蕊妮個女簡淑兒同綁匪合作,想攞田蕊妮4百萬,最後慘死收場,之後有警察上門通知阿田,簡淑兒已經慘死,嗰種錯愕,之到認屍內疚害死個女,爆喊痛哭,淚水與鼻水一齊流,搞到網民個個讚好戲,睇好佢再攞影后寶座!不過一套戲又點會得一個高潮,喺噚晚播映嗰集,講阿田俾徒弟坤哥揭穿收黑錢,阿田軟硬兼施,先係扮可憐博同情,希望坤哥可以唔報警,點知聽到坤哥叫佢自首之後,即刻反面無情講,發晒狂迫到坤哥走上天台,最後阿田眼白白睇住佢跌落樓慘死,扮冇嘢嘅阿田,仲去咗拜祭坤哥,但係俾佢嘅鬼魂纏身,搞到阿田去咗跳海,最後好彩俾鄭嘉穎救返!唔少網民睇完之後,又激讚阿田好戲,連「King Jer」都有講,阿田好戲實在唔使再講,嗰種軟硬兼施變臉方法,實在唔少人都睇到心寒。反而坤哥嘅演技,不停被網民討論,有網民直頭話:「不斷比田蕊妮帶入戲再比坤哥帶返岀嚟!」,「King Jer」都貼咗條片,就係坤哥嘅「世界級」演技,好似喺海邊大叫,被笑好似走咗班船咁,仲有就係發現田蕊妮秘密嘅時候,喊到啲對白都聽唔到講咩等等...到嗰場跌落街嘅戲,又似乎膠膠地,一來冇理由可以支持到咁耐,二來明明係喺死亡邊緣,但係睇完又覺得好好笑!跟住到咗嗰場拜祭戲,明明係坤哥冤鬼纏身,但係唔知點解又係嗰種見到又係好想笑嘅感覺。

《蘋果》第十二屆金話梅電影選舉(Golden Plum)又嚟喇!由今日起,請在以下網址(http://campaign.appledaily.com/goldenplum2017 )投票,選出心目中的爛片之霸,截止日期係4月6日,賽果將於香港電影金像獎舉行前夕(4月8日)揭曉。

阿田呢幾戲,好戲到網民話睇到心寒!
唔知點解坤哥可以支持咁耐!
見到坤哥個樣真係好想笑!

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...