仲有5日就係鄧麗欣（Stephy）同方力申向外發聲明公布結束十年情日子，今朝一齊現身香港仔，跟任賢齊一齊參加《揹水一戰》挑戰15公里跑，大會安排Stephy同其排球隊員先出發，所以Stephy先受訪，而小方同小齊喺儀式後受訪再出發。起步儀式前Stephy跟跑手們合照，未有應要求同小齊、小方合照。直至大會先後邀請三人上台，現場人士聽到一對舊情人同台時即起哄大叫，雖然兩人並肩而企，但全程貌合神離，冇眼神交流，期間大會邀請佢哋喺台上同跑手自拍恭賀片，祝賀曹星如21連勝，兩人才放鬆神情。當佢哋移師到起跑點主持鳴槍儀式前再合照，起初Stephy左手搭著隔住佢同小方嘅活動會長膊頭，不久小方右手又搭住會長膊頭，但同時搭住舊愛左手。Stephy剛從放完假後日本返港，佢笑指喺日本購物時如為今次活動作負重練習，講到跟小方同場，Stephy話：「大家起跑時間唔同，我早15分鐘，不過佢跑得快，應該好快過我。」之前兩年仍係情侶身份參與，今年會唔會特別感觸，Stephy話：「順其自然，放鬆心情。」提到分手快將一年，Stephy便感觸話：「係呀!啱啱好，時間幾快。」問到調息心情未？佢話：「無成日諗，唔使話特別放低，順其自然。」
來源 source: http://s.nextmedia.com
|
鍾意就快D Share啦！
|
|
|
