掃呢頁CODE去手機

2017年3月12日 星期日

【老公呢?】陀巨肚賀40歲生日 人母謝安琪:喊完瞓醒又一條好漢 __,謝安琪,

有個好老公張繼聰、好囝囝,遲啲仲有多個囡囡嘅謝安琪,聽日就係佢嘅四十歲生日喇,噚晚陀住個巨肚嘅Kay,就同埋一班朋友一齊慶祝生日,仲貼埋相上faceb ...


有個好老公張繼聰、好囝囝,遲啲仲有多個囡囡嘅謝安琪,聽日就係佢嘅四十歲生日喇,噚晚陀住個巨肚嘅Kay,就同埋一班朋友一齊慶祝生日,仲貼埋相上facebook,相入面可以見到着住間條衫嘅阿Kay,個肚真係好大,入面除咗係一個B女之外,仲係好多好多嘅幸福。阿Kay喺facebook話:「好多謝雲妮仔幫我舉行呢個大聲講大聲笑慶生會仔,簡簡單單吃一餐,開開心心的一晚。「成班女人(Derrick 明顯誤入)又嘈又盛又陪我吃齋,我真係好愛呢班女人,有一班可以乜嘢都傾嘅好朋友,真係好幸福,我今年生日真係好開心呀,love you all so much。「PS: 說說笑笑,我又諗起,曾經有好多次係工作上面遇到困難同埋壓力,就係因為有呢一班朋友,同我並肩作戰,我先至可以笑着繼續向前行。有時同佢哋傾完喊完瞓醒又一條好漢,有時圍威喂大吃大喝一餐又生猛返……「老土野唔講咁多喇,就用返我小學畢業紀念冊上,出現最多嘅呢兩句表達我嘅愛意:萬里長城長又長,我們友誼比它長。」

(謝安琪facebook圖片) 好大個肚啊(謝安琪facebook圖片) 一班好朋友係開心嘅(謝安琪facebook圖片)
(謝安琪facebook圖片) 今晚係唔係老公陪住先?(謝安琪facebook圖片)

來源 source: http://s.nextmedia.com
鍾意就快D Share啦!