掃呢頁CODE去手機

2017年3月12日 星期日

河國榮做基底細胞癌切除手術大成功 __,河國榮,癌,

51歲藝人河國榮尋日突然喺Facebook上載兩張包晒頭、笑晒口兼雙手「舉V」坐喺病床嘅相,唔通佢撞親個頭?不過河國榮就話佢啱啱做完手術先搞成咁,佢留 ...


51歲藝人河國榮尋日突然喺Facebook上載兩張包晒頭、笑晒口兼雙手「舉V」坐喺病床嘅相,唔通佢撞親個頭?不過河國榮就話佢啱啱做完手術先搞成咁,佢留言話:「手術成功!耳子(仔)後邊的 #基底細胞癌 #Basal_cell_carcinoma 今早切割了。現在要扮波斯王子兩天,等個傷口有點點恢復健康才做返正常的河國榮。後天繼續開工拍戲!多謝醫生和各位護士的照顧!」

好番即去睇比賽

果然今日下晝三點,河國榮已經出咗院,仲現身香港板球會舉辦嘅比賽,佢仲好興奮咁做網上直播同大家再次報平安:「我啲頭髮仲係包住緊,因為噚日做完手術,要包住兩日,不過唔緊要,都出嚟睇吓波先!」見到河國榮已經平安無事,唔少網民留言叫佢多啲休息,唔好周圍去。

去年發現耳仔後面有舊嘢

河國榮接受東網訪問時叫大家唔使擔心,佢話:「其實係舊年10月、11月發現耳仔後面有舊嘢,唔小心整到會不斷流血,所以就去咗睇醫生。」河國榮指已完成個半小時嘅手術:「手術喺右面耳仔後面割完之後,會有個約一毫子大細嘅傷口。(以後會避免曬太陽?)唔會,我好鍾意曬太陽,醫生叫我每日都要搽40度以上嘅防曬。(咁你幾時復工?)其實我星期四先會開始拍奇妙電視嘅《香港有寶証》。」

曉積文做過六次手術

咁基底細胞癌又係乜嘢病呢?澳洲男星「狼人」曉積文(Hugh Jackman)早前都喺Instagram上載自己鼻頭貼上膠布的自拍照,留言表示自己第六次做基底細胞癌切除手術。其實「基底細胞癌」係皮膚癌最常見嘅類型之一,係一種低度惡性腫瘤。在早期,「基底細胞癌」可能以一顆痣、一片斑嘅形式出現,而且色素均勻、邊界清晰,若發現身上嘅痣喺短期內迅速增大,或在破潰後重新長出新痣,可能係「基底細胞癌」嘅先兆,需及時到醫院檢查。


來源 source: http://hk.on.cc
鍾意就快D Share啦!