日式酒吧餐廳Three Monkeys日前4周年誌慶及Sake House 隆重開幕， 藝人何傲兒、林作、莊家豐、高偉國、黃俊豪、鄭紹康、鄧智偉與旗下新人李聰等出席祝賀， 現場更有醒獅表演，場面盛大。
何傲兒最愛日本飯
最愛日本菜的何傲兒（Lily）透露試過整蛋包飯，最愛日本飯又圓又大粒，平時放工後亦喜歡與同事食串燒飲Sake（清酒），激讚Three Monkeys啱晒自己。她又自爆有一次作客黃長興家中飲醉酒：「佢整咗杯Welcome Drink畀我哋，既然佢咁有誠意整畀我，我就飲晒佢，但未食正餐已經醉咗。」
桃花旺唔敢挑機
Lily透露與家姐何傲芝首次一同擔任飲食節目主持，問到是否入得廚房、出得廳堂？她說：「因為媽咪成日都叫我要識個好男仔，就要識煲番啲靚湯先。」提到早前邀林作做嘉賓，家姐何傲芝請對方食「檸檬」，Lily笑說：「家姐講笑，點止請佢食檸檬，喺鏡頭前請佢食白果添！基本上佢哋一拍即合，兩個互窒，佢哋本身識所以好有默契。」她又讚林作條件好，但桃花旺盛不敢招惹。
林作Sake冧女
另一嘉賓林作則透露最愛飲Sake，因為比較清又不覺得有酒精：「同埋女仔比較鍾意飲，通常醉翁之意不在酒，而Whiskey就男人Drink，好興，但女仔唔喜歡，所以Sake市場大啲。」他自爆一飲酒便面紅，還會變得怕醜！提到做補習天王，他說：「有呢個機會，機不可失，鍾意嘅嘢係要爭取。（補邊科？）英文，自己擅長都係英文，唔係教追女仔， 想幫到廣大學生。用心教學，要做麻辣先師，唔好理咩風格，最緊要我勁！」
酒樽布置夠「瀛」！
位於上環的日式酒吧餐廳Three Monkeys開業已經四年，主打惹味串燒，吃串燒當然要配Sake，故特別在餐廳一樓推出全新概念Sake House，環境以清酒樽作裝飾，充滿地道日式居酒屋氣氛。其中氣味清爽的Strong & Sour Sake用清酒、苦艾酒及鹹檸檬調配而成，口味特別，亦有以清酒調成的十款雞尾酒供選擇。美酒當然要配心思菜式，其中全新菜式的牛油雜菌暖沙律用牛油炒香雜菌，配上炸蒜片、羅馬生菜及京葱絲，伴以西芹、黑椒、洋葱、蒜及醬油製成的沙律油，滋味無窮。
|
鍾意就快D Share啦！
|
|
|
