當年梁朝偉同劉德華合演《無間道》，同時獲得當屆金像獎最佳男主角提名，兩人在天台攤牌一幕，成為港片經典。今年朱栢康同太保同台角逐金像獎影帝，二人在獎項公佈前先來鬥戲，重現《無間道》兩雄對決。
朱栢康作為舞台劇老戲骨，首部電影《金都》就為他贏得金像獎最佳男主角入場券，看似理所當然，又未必是絕對。朱栢康接受《蘋果》訪問談到入圍感受時，他笑言答案雖「行」，卻是事實︰「係好開心嘅，因為喺呢啲獎項發生之前嘅一、兩年，同經理人傾過偈，就住當時手上工作，佢都問我想點。我都話有提名已經好好，始終一個新人轉型去電影工業，都想多啲人認識，所以提名已經係達到目標。」攞獎當然是終極目標，但來日方長，亦未必急在一時。
今年頒獎禮雖然取消，但得獎感言不能少，面前朱栢康有一大幫人要鳴謝，他說︰「一定要多謝上帝安排，另外就係屋企人嘅支持，尤其係過身嘅爹哋，佢窮一身精力成就我哋兩兄弟藝術上成就，最重要係演藝學院老師同身邊夥伴。」他表示跳入新媒體，尋回失落已久的新鮮感。就舞台跟影圈的分別，朱栢康直言︰「香港演員要有認同，身邊好多舞台劇演員，就算幾叻都好，都唔係好多人識，舞台界別唔係好識包裝自己。如果有一日，我喺呢個圈有一定成就，可以影響到運作嘅話，希望可以製造多啲機會，畀同輩甚至前輩。」
在今年實體頒獎禮公佈取消前，朱栢康已想好紅地毯的行頭，會是長跑裝寓意陪跑，他解釋︰「攞獎會係一項長跑，今年對手太強太有經驗。睇好《叔·叔》太保哥同《少年的你》易烊千璽。太保哥演繹得好有層次，特別係角色好有挑戰，好大難度。易烊千璽就青春氣息、收放自如，鏡頭前好有存在感。或者咁講，從來都覺得表演藝術唔應該係『競爭類別』，其實只係係咪你杯茶嘅分別，你鍾意就係好，唔鍾意就唔好。當然係可以有好多分析去講，事實都係好主觀。如果畀我仲係廿零歲、好雄心壯志，梗係好想去攞獎證明自己，都過咗嘞。係會有緊張，好似金馬獎臨公佈前嗰一刻都有，但又唔係嗰種『我一定要攞』嗰種渴望。」
採訪︰何永寧
攝影︰沈健程
化妝︰Yuki
髮型︰Ginny@hairculture
-----------------------------
App內1-Click訂閱《蘋果動新聞》
按此了解更多
來源 source: http://hk.appledaily.com
|
鍾意就快D Share啦！
|
|
|
