「第39屆香港電影金像獎」受武漢肺炎疫情關係取消實體頒獎禮，並於下星期三（6日）於網上公佈得獎名單，雖然今次頒獎禮跟以往不同，不過今年朱栢康同太保角逐影帝仍是焦點之一。《蘋果》獨家找他們重演當年梁朝偉同劉德華在《無間道》中對決一幕，公佈賽果前率先鬥戲，重現《無間道》兩雄對決。
太保（原名張嘉年）憑平權電影《叔．叔》已贏得香港電影評論學會最佳男演員同導演會最佳男主角獎，下一站挑戰的是香港電影金像獎影帝名銜。同場爭獎的有影圈新人、舞台劇老手朱栢康。早前兩位準影帝接受《蘋果》訪問，入行40年的太保跟後起之秀朱栢康分享心得。
太保被問到贏獎機會時，他笑說︰「呢啲畀評審去決定，不過能夠入圍已經係一個肯定，唔需要諗太多。」對於後輩，太保的忠告是凡事不要太執着︰「以前我哋拍戲同開嘅戲多，而家開戲少，好難得會搵到你做演員，所以有機會你要更加努力，同樣道理有機會選影帝，就要珍惜。」太保讚朱栢康剛剛重現《無間道》經典場口的演出非常出色，將會是很成功的演員，太保講笑話︰「剛剛同你演嗰場戲，我諗嗰兩位影帝（梁朝偉、劉德華）睇到，都要諗吓要加油。」
講得輕鬆，事緣太保見慣大場面，他經歷過提名錯人、贏獎沒得上台攞獎的烏龍事。他說︰「次次我有提名個獎都會出事，最先係82年，評審以為我係另一位演員，畀咗我入圍，去到後期先知搞錯，最後我要補辦報名手續。」當年太保演出李修賢自導自演的《公僕》，戲中飾演一名道友。原先電影公司為劇中的黃柏文報名金馬獎最佳男配角，台灣評審誤以為太保就是黃柏文，順利入圍。出事後電影公司派人到台灣，將報名表中的「黃柏文」改成「太保」。
太保說到第二單烏龍事更加離奇，2007年他憑台劇《鐵樹花開》入圍台灣金鐘獎戲劇節目最佳男配角，他說︰「頒獎禮宣佈最佳男配角係張國柱（張震父親）嗰時，啲評審都你眼望我眼，原來頒錯獎。因為我又係姓張，好多人唔知我真名，見到姓『張』就以為係張國柱。」他表示事後大會補辦頒獎，該屆由他跟張國柱雙雙贏最佳男配角獎︰「你話好事定壞事？當然係好事，因為嗰十日報紙、電視，幾乎全部都係我嘅新聞，間間報館都形容我係『烏龍影帝』。」
最佳男主角提名名單︰
太保《叔．叔》
朱栢康《金都》
易烊千璽《少年的你》
古天樂《犯罪現場》
郭富城《麥路人》
採訪︰何永寧
攝影︰沈健程
化妝、髮型︰Connie
-----------------------------
App內1-Click訂閱《蘋果動新聞》
按此了解更多
來源 source: http://hk.appledaily.com
|
鍾意就快D Share啦！
|
|
|
