幾個月前，鄧兆尊向私有化三年的三奶Claire提出分手，不過這個空缺，已經火速由L小姐補上，三女共侍一「夫」維持不變。
過去為公平，兆尊比較少同女伴拖手仔二人世界，但對住新阿三就唔同喇，唔止十指緊扣，仲破例戴情侶戒，又玩甜蜜勾手指。呢位新三奶，令53歲鄧兆尊初戀感覺番晒嚟呀！
跟鄧兆尊相愛接近三十年的阿大Carmen及阿二車厘子Cherry，以及舊阿三Claire，是舊「三C」組合。原來新阿三姓陳，同兩個姐姐均屬C字頭，絕對可以延續兆尊的愛美神三C會。
新阿三跟Claire同樣有紋身，Claire紋在頸背，新阿三則在腳踝有蝴蝶紋身，看來兆尊都是鍾意「辣妹」。 以前兆尊好少公開拖或者繑住女友，事關一個人得兩隻手，但有三個女友，拖得邊個喎，IQ題來的！
過去三C會一齊出動，而就算兆尊不是一拖三，起碼也一拖二出街，不過新阿三好「叻女」，已突破這條防線，可以經常獨霸兆尊，「尊」享二人世界。
她嗲功了得，把握每個機會依偎著兆尊，並懂得做忠實的聆聽者，向他投以崇拜目光，熱情融化了半百兆尊。有齊這些必殺技，就算她煙癮大，拍拖都不時要扯幾口，兆尊一樣冧她。
兆尊本身不愛戴戒指，但竟然為新阿三戴情侶八達通戒指，既可以跟阿大和阿二解釋，戴八達通戒指方便出入而已，同時又氹到新阿三冧豬，高明！足見新阿三在他心目中的地位！ 兆尊話揀女朋友，性格好緊要，雖然新三奶散發陣陣大媽味，不過勝在對兆尊千依百順。
日前她又可獨霸兆尊，特別穿上喱士透視連身裙，由灣仔家中落街等他。可是兆尊遲到，她等了又等，不停傳短訊，一臉焦急地煲煙，周圍張望。
她邊行邊等，走到銅鑼灣會合他，期間到藥房買東西，並等到口乾去買嘢飲，但飲完都未見兆尊出現。
足足等了20分鐘，兆尊終於現身，但新阿三沒黑面，反而即刻甜笑，加分不少，港女學下嘢喇！兆尊見到她一身喱士look，更笑咪咪前後打量，非常滿意。
一直以來，兆尊愛灣仔藏嬌，方便就腳，車程都慳番！三個女友被安排居於灣仔，所以平日通常在灣仔和銅鑼灣活動。但兆尊卻會特別揸車，帶新阿三衝出這兩區拍拖，對住新寵的確比較有情趣。 講到二人世界，兆尊表示：「每星期分別會陪每位女友兩晚，當日主場嘅女友可以決定畀唔畀另外兩位女友加入。」新阿三明顯老實不客氣，費事跟姐姐們扮禮讓，拒絕共享兆尊。
對於被網民取笑鍾意「鋸扒」，兆尊話：「我後生都係識食嘅！唔通身邊個年華老去陣，唔要佢咩？我唔係玩家，玩家先係咁。」事事上，阿大Carmen年輕時是索女，身材苗條。
兆尊四兄弟姊妹，靠父親新馬仔的遺產，已經一世無憂。有傳祥嫂將15億遺產也留給他們，保守估計，兆尊個人資產大約有4億。但他表示，平日自己生活簡單，就算有女友要求請司機，也被他拒絕。
他大爆為家族「揸數」的，是細妹小艾和細佬兆榮。其中18年年尾，將市值4.8億的西貢4萬幾呎地皮，申請改劃為「住宅」及綠化地帶，興建多幢低密度豪宅，就是兆榮的構思。
兆尊還透露，現時他每個月的開支，少於二十萬，以其豐厚身家來說，都算是「平養」三頭家喇！ ----------------------------
APP 內 1-Click 訂閱
按此了解更多
-----------------------------
【昔日紙本檔案庫】
30年壹仔經典 壹壹重現！
來源 source: http://nextplus.nextmedia.com
|
鍾意就快D Share啦！
|
|
|
