邵仲衡在開賣前到店內的餅房參觀：「佢哋最出名係啲餅點，頭先上去樓上個餅房睇，好似酒樓咁大，原來佢哋做好多餐點送去唔同飯堂。」莊端兒表示曾與朋友齊齊「懲罰」該店，平日亦會揀「黃店」支持黃色經濟圈。邵仲衡則指自己不會刻意分顏色：「做食肆要做到好食先，唔好食就嘥氣，要留意出品嘅品質。」
莊端兒謂近日因為疫情，多數留家中自己煮自己食，邵仲衡聞言即笑謂：「咁你煮多啲，下次叫埋我。」記者笑問他不擔心會傳緋聞？他表示與莊端兒是好友：「我哋絕緣，我又唔鍾意喺車尾食蛋糕，呢個（新聞）真係，我睇到都笑咗。」莊端兒直言有潔癖，很少在車廂內進食：「架車有塵㗎嘛，啲cream都會整污糟架車。我唔可以偷食，偷食會俾人知，平日自己一個人食多。」
提到不少藝人陸續復工，邵仲衡透露與張可頤正為ViuTV拍攝新劇：「我哋未合作過，但係我有睇佢啲劇，佢係我哋啲麻甩佬嘅女神嚟，估唔到而家可以生勾勾同佢合作。」兩人於劇中飾演兩公婆，邵仲衡透露有咀嘴鏡頭，記者指現時拍咀戲要加強衞生，他說：「係喎，可能要借位，一切以衞生健康為主。」問到是否因「限聚令」未有拍攝外景？邵仲衡表示暫時只開工數天，會先完成廠景拍攝：「我知佢哋有少少外景，不過大家分得好開企，同埋揀啲大啲、闊啲嘅地方拍囉。」
採訪：盧妹
攝影：林賓尼
-----------------------------
App內1-Click訂閱《蘋果動新聞》
按此了解更多
來源 source: http://hk.appledaily.com
|
鍾意就快D Share啦！
|
|
|
