娛樂圈的模範人夫買少見少，58歲的關禮傑算緋聞絕緣體，他於1984年跟空姐老婆梁安娜（Anna）結婚，二人1990年在加拿大結婚，婚後育有兩女關楓馨和關楓盈，身為虔誠基督徒的他婚後全心全愛家庭。關禮傑日前接受港台節目《舊日的足跡》訪問，他大爆早年返內地拍劇，曾有女埋身，但關禮傑定力夠，把持得定，力保好爸爸、好老公的金漆招牌。
關禮傑分享如何堅守零緋聞，他說：「我就是要畀太太安全感同信任感。喺國內拍戲會有狂蜂浪蝶，但我唔會畀機會自己，亦唔會畀機會對方，我會主動拒絕對方，同時會叫太太嚟。女士好敏感，有甚麼風吹草動，一眼就知了。呢啲情況咁多年一定有，但對方見到太太出現，慢慢就會走……今年我哋結婚30周年，我希望可以同好多見證我哋呢段婚姻嘅朋友食一餐飯，如果兩個女都喺身邊就最好喇！」關禮傑自爆平日也會出冧招冧老婆，當太太口中說送花不環保，他說：「我就會突然送佢一支，佢好開心，哈哈哈！我多謝佢多年嚟，對我嘅信任同支持。」入行38年的關禮傑都保養得宜，他坦言貪靚，平日愛穿便服，看來會比真實年齡年輕。
關禮傑是無綫電視第11期藝員訓練班學員，他在1982年參演劇集《萬水千山總是情》，並扮演汪明荃（阿姐）和謝賢（四哥）的兒子，關禮傑回想：「導演杜琪峰要我飲杯奶茶，做一個憧憬未來嘅表情，我take 咗十次都做唔到……我其實只懂背劇本，當時阿姐同而家一樣好cool，但個心好暖，四哥就好瀟灑咁即場睇劇本，即場講對白，非常佩服，兩位前輩都冇出聲，而我喺好緊張下，阻住大家收工，只怪自己唔長進。」
關禮傑拍過的多套劇集，《新紮師兄》中「好姐」一角最為觀眾下深刻印象，關禮傑當年執二攤接演，他說：「當時招振强就係見我高大，但冇男子氣，所以畀我呢個角色……我要多謝偉仔(梁朝偉)，佢從未跟我講甚麼鼓勵說話，但佢用身體語言，實際行動去幫我完成一場喊戲，幫我上到一個位置，我好感激佢。」劇情講述關禮傑愛上張曼玉，他表示當時已跟現任太太拍拖，劇外間中也會想念張曼玉，不過拍完戲便專業地抽身，未有越軌，他笑言最佳方法是做運動。近日朱智賢和黎振嬅在大台拍劇扮情侶撻着，女方被爆出做第三者時，她卻以抽離不到角色做藉口，看來朱智賢以後要好好學習關禮傑這個抽離妙法。
-----------------------------
App內1-Click訂閱《蘋果動新聞》
按此了解更多
來源 source: http://hk.appledaily.com
|
鍾意就快D Share啦！
|
|
|
