武漢肺炎疫情，為全球民生及經濟帶來嚴重影響，雖然近日香港的疫情開始緩和，但社會氣氛依然低迷。繼許冠傑、陳志雲及演藝人協會等於網上開騷後，東華三院今晚亦舉辦《LOVE actually LIVE actually》抗疫慈善網上音樂會，楊千嬅、容祖兒、梁漢文、蔡一傑、周柏豪、鄭融及姜濤等歌手鼎力支持，為香港人特別是醫護人員打氣。
網上音樂會今晚於荃灣舉行，為避免人流聚集，支持的歌手分別到場獻唱。梁漢文選唱舊歌《重新做人》為香港人打氣：「特別想送畀早前確診嘅空手道運動員曾綺婷，希望大家都越來越好。最近大家stay home，都想提供多啲唔同嘅娛樂畀大家，我知道大家都唔好過，但係我從另一角度睇，覺得大家多咗愛。」他謂網上不少人分享開心、好笑片段，避免負面情緒擴散。早前梁漢文亦有化身KOL拍片，他說：「（煮嘢食嗰啲）唔好提啦，反而早期拍下整消毒濕紙巾，我幾鍾意，實用又有趣啲嘛。」
提到他的10月紅館騷，梁漢文說：「始終都要行嘅，你問我係咪信心十足？我當然期望個騷，無論我係咪疫後第一人都好，我最希望大家可以釋放負面情緒同埋帶希望畀大家，我覺得呢個係我使命同責任。」至於會否邀請好兄弟Big Four上台演出？梁漢文透露暫時未計劃演唱會細節，只能與導演及不同音樂人開會：「我都兩、三年冇出新歌，想錄幾新歌畀大家聽下。」問到日前他到將軍澳睇樓盤，梁漢文說：「經過八卦下啫，喺屋企磨得太耐，都係想知多啲。」
梁詠琪（GiGi）今晚都有份參演東華online騷，提到她早前曾到西班牙探親後，GiGi表示返港後跟很多香港市民一樣，進行自我隔離，保障自己及其他人的安全。講到留在家中避疫，GiGi笑言每日都要諗節目在家打發時間：「大人容易啲嘅，小朋友難啲，要幫佢安排好多活動，所以我會安排佢（女兒Sophia）做啲長時間啲嘅活動，好似畫畫、砌puzzle（拼圖）、唱歌、跳舞咁，其實小朋友有父母陪住已經好開心。」
再講到GiGi與一班好友楊采妮、李心潔、許茹芸成立了慈善教育基金，GiGi表示她們雖然分隔世界不同地方，但大家都同樣面對抗疫的困難，所以基金先買了一批成人口罩給7至8個團體分發給有需要人士，後來她們想到基金想服務的對象是小朋友，亦察覺好香港好多病童要出入醫院，消耗口罩好多，所以又買了一批小童口罩及準備了一些玩具給團體，再分發給病童及幼稚園學生。之後GiGi獻唱了她的經典作《花火》。
-----------------------------
App內1-Click訂閱《蘋果動新聞》
按此了解更多
來源 source: http://hk.appledaily.com
|
鍾意就快D Share啦！
|
|
|
