「更生歌手」韓梓亮（TL）於2013年因與一男同志肛交後勒索對方25萬港元，被判勒索罪成入獄26個月。
出獄後TL星夢未碎再闖樂壇，在已故江湖老竇的遺產中獲撥36萬投資音樂事業，但口頭承諾投資6位數字的Partner突因有感TL太多負面新聞而縮沙，令他前功盡廢，加上經營時裝店欠下「大耳窿」8萬元債務，無力償還，一度揚言要尋死！他接受訪問自爆坐監時被獄友欺凌，幾乎晚晚以淚洗面！21歲淪為階下囚、蒙上人生污點的他發明星夢成狂，自言屢敗屢戰，先後改了四次名，還推出歌曲《反省》，揚言會洗心革面，爬出人生谷底！
勒索罪成入獄26個月
今年24歲的韓梓亮，於21歲與男同志肛交後，訛稱拍下兩人肛交的片段，並夥同女友人勒索對方25萬港元，最終兩人被裁定勒索罪成立，TL被判入獄26個月。重提當年勒索案件，TL說：「嗰時爸爸過身，政府要收番間公屋，我急等錢搬屋，仲有我嗰時有三間時裝店都要錢周轉，所以我先勒索嗰個人。」因錢作怪，令TL惡向膽邊生，故他致電男同志進行勒索：「我打電話畀佢，但佢冇接聽電話，我就留言『如果你唔過數，我就報警同搵人打你。』」
「我真係好後悔」
但他仍強調沒處心積累犯案，聲稱只是一時貪念所致。問TL當日「行錯路」可深感後悔？他連續三次講「我真係好後悔」，覺得就算「等錢救命」也不應犯法：「如果唔係呢單案，我星途應該唔會咁難行。」
「回想從前也覺討厭」
去年出獄後他自資開設唱片公司「模範娛樂」，先後推出過兩首歌《TML》及《反省》。其中《反省》唱出自責心聲與重生的信念，並由他親自執筆填詞：「回想從前也覺討厭……全賴天父去讓我改變」，自稱因尋找到信仰而覺悟前非，更誠懇地唱出「反省」、「認錯」等歌詞，赤裸地面對過去，正面迎接各個關口的決心。他從沒放棄歌手夢，從未有想過要轉行。
成日匿埋爆喊
受負面新聞纏身的TL現身赤柱監獄接受《東網》記者採訪，服刑兩年期間，TL一直囚於赤柱監獄，對於重遊「舊地」，TL聲稱：「當時成日畀人蝦，入面好似一個社會縮影，我成日畀人蝦完自己返床度喊。」他又大爆似足電影《監獄風雲》橋段，見過有獄友被打，自己亦試過被獄友非禮。
飯餸被吐水
TL又指入獄時被報章雜誌以「肛交歌手」大字報道，令他在獄中飽受歧視：「佢哋幫我改咗個花名叫『明星仔』，會講啲好難聽嘅說話，笑我『未聽過你啲歌喎』、『明星都坐監喎』！成日畀人欺凌，無啦啦推我，又吐口水落我啲飯餸度。」TL自爆有次到操場「放風」獨自坐在一旁，突然慘食獄友波餅，結果腫了半邊面要睇醫生。
住保護倉險黐線
食完波餅又被「食豆腐」，但TL坦言不敢投訴：「只會變本加厲，又會覺得你係二五仔。」最後他忍無可忍向保護組反映，因為他算半個知名人士，所以被調至保護倉：「保護倉係十幾呎嘅獨立室嚟，每日得一個鐘可以出嚟走動沖涼食飯。我日日都喺自己房做自己嘢。我嗰時就係負責貼信封，都有電視睇。住咗一年保護倉，講真個人真係會有啲黐線，長期一個人會諗埋一邊。」
因入獄與模特兒女友分手
曾與男同志肛交的TL被問是否鍾情男士？他強調自己鍾意女人，當時曾有一名做模特兒的女友，但因入獄而分手。
|
鍾意就快D Share啦！
|
|
|