網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年6月2日 星期四

當波女透明 重創方力申嚴重自閉 [壹週刊 - 1369] __,方力申,M1,

Stephy同台灣有米TB小牛搭上,絕情撇小方。娛樂偵訊當波女透明 重創方力申嚴重自閉同Stephy十年情話冇就冇,情敵仲要係女!被重創的方力申,一提起Stephy就喊。事隔已兩個月,但最近為新戲《男神訓練營》埋位開工的小方,仍未收拾心情,繼續頹爆!日前,劇組一連兩日在屯門黃金海岸拍沙灘戲,面對高海寧、張秀文、莊端兒三位「咪神」,加埋現場半百胸湧比堅尼女,小方依然毫無起色,匿埋自閉。匿埋扮瞓上週三 ...


Stephy同台灣有米 TB小牛搭上,絕情撇小方。

娛樂偵訊

當波女透明 重創方力申嚴重自閉

同 Stephy十年情話冇就冇,情敵仲要係女!被重創的方力申,一提起 Stephy就喊。事隔已兩個月,但最近為新戲《男神訓練營》埋位開工的小方,仍未收拾心情,繼續頹爆!

日前,劇組一連兩日在屯門黃金海岸拍沙灘戲,面對高海寧、張秀文、莊端兒三位「咪神」,加埋現場半百胸湧比堅尼女,小方依然毫無起色,匿埋自閉。

匿埋扮瞓

上週三(五月二十五日),小方、肥仔聰等晨早八點,已經去到屯門就位。場口是小方被五十個著住比堅尼的「肉女」圍住氹氹轉,但每拍完一個 shot,就見小方急急腳離開「肉女」堆,對身邊胸湧美景,眼尾都唔望。

不用埋位時,小方便將沙灘椅搬埋一邊,剝 Tee曬肌,選擇做孤獨精的他,放飯時被工作人員撩傾偈,但講不夠兩句,小方又掉頭走,甚至遠離拍攝場地,匿埋一邊閉目養神扮瞓。

終於拍完收工,準備離開的小方被其中一名比堅尼女追住影合照,他竟然扮聽唔到,但比堅女死跟,小方勉為其難停步同對方 selfie,但依然木無表情, cool爆。

第二日,外景隊繼續到沙灘開工,高海寧、張秀文無綫兩大「咪神」夾擊 35E莊端兒,全部比堅尼上陣,來勢「胸胸」,吸引不少「球迷」停低飽眼福。

著鮮紅色比堅尼的高 Ling先到場,等埋位時,高 Ling爭取時間,吩咐助手做攝影師,在海邊不停擺出誘人 pose,只見助手又踎低、又高炒,保證任何角度都有齊。

唔使埋位,小方坐埋一邊,獨自歎日光浴曬爆肌。

劇組放飯,小方冇胃口,索性匿埋扮瞓覺。

當日有近 50名比堅尼女同小方做對手戲,但小方望都唔望多眼, cool爆!

夠鐘收工,黃色比堅尼女上前要求合照,小方起初扮聾唔肯停低。

情傷未癒的小方悶悶不樂,亦不願同工作人員零交談。

金剛 high晒

中午時分,輪到小方、金剛、陳國坤等男演員出場。三十度高溫,著住軍裝包到冚,個個熱到大汗疊熱汗,未埋位,化妝師已經不停動手補妝。

當日也是電影記者會,但小方繼續自閉,全程匿在劇組準備的帳篷內,直到夠鐘見記者,他才蒲頭,但一做完訪問,又拿拿臨閃走。

心情欠佳小方玩消失,但同場的金剛,見現場波光四射,拎住相機,行來行去四圍搵對象集郵,揀啱心水,就停低教埋比堅尼女擺 pose,勁 hyper!

Stephy同台灣有米 TB小牛搭上,絕情撇小方。

早前 Stephy接受訪問,提到分手後小方說經常夢到她,即刻眼紅紅表示:「其實都悒悒哋!」

高 Ling、張秀文(右)和莊端兒三大「咪神」,齊齊比堅尼上陣,逼爆上圍,吸引唔少泳客駐足「觀賞」。

著紅色比堅尼的高 Ling好吸睛,仲不停擺出誘人 pose,吩咐助手幫她影相。

同小方相反的金剛,拎住部相機捉住班「肉女」狂影。

不停食螺絲,高 Ling NG十幾次,唯有以笑遮醜。

撰文、攝影、攝錄:娛樂組


鍾意就快D Share啦!