藝人唐詩詠和林盛斌在上環出席澳門旅遊宣傳活動，其中詩詠就以火紅晚裝上陣，大騷半截長腿，非常搶眼。訪問時，談到最近男友洪永城被傳翻撻造型師舊愛Bird Tse，問男方是否已氹掂她，她即謂：「其實好小事，花邊新聞嚟，唔使咁緊張。」問男友與舊愛見面有否預先申報，她謂：「佢有同我講去飲嘢。（因為呢件事唔結婚、唔買樓？）一直都冇呢個計劃。（影到你哋睇樓喎！）我哋去散步啫！（話你爆喊？）我自己都唔知！花邊新聞啫，正常社交，唔會過問太多。」至於會否多管一下另一半，她就指只會辛苦自己：「同埋要管另一個人段關係都唔會長久。（會太自由？）我有自己嘅方法，成年人都知道自己做緊咩，唔會特別，識尊重就得。（Bird甫相留言似挑機？）呢啲應該係佢圍內朋友嘅Inside Joke，唔識佢，No Comment。」又稱自己不好奇有關消息，所以沒有特別跟進，亦未有因此造成不快。
問有否呻醋，她堅稱不會：「正常社交，我都有男性朋友。」問自己有否約舊愛見面，她謂：「我有咁嘅選擇另一方都會尊重。（有見面？）冇，之前都有Whatsapp但好耐喇，好耐之前嘅亦唔會。（百分百信任男友？）大家唔好咁多揣測（之前同佢行街唔肯拖手？）我冇呀！其實係我冇笑會似黑口黑面，但當時真係受驚嘅，我諗過突然咁多記者喺度，有啲愕然，下次我會笑番，對唔住。」有指男友未能融入她的圈子，而她好友馬國明亦曾表示與男方不熟，她即謂：「佢哋都係緊張我嘅！」此時詩詠即指自己眼睫毛入眼，要稍事整理，其後整段訪問都雙眼泛紅又望落眼濕濕：「大家唔好以為我喊！」
之後問到會否安排男友與自己圈子見見面，詩詠就指未有機會：「我自己都成日約佢哋唔到。（馬明係第一個介紹？）佢哋都識，係冇合作過啫。」又謂不會擔心有關新聞。訪問結尾，她更向記者認真地說：「唔好寫我結婚喇！」未知是否有弦外之音。
|
鍾意就快D Share啦！
|
|
|