楊千嬅專人扮靚 [壹週刊 - 1369] __,楊千嬅,千嬅,M1,

同你吟一吟楊千嬅專人扮靚一線阿哥阿姐要裝身出活動，無論買定借，大部分都係靠形象指導幫手搵衫。呢一日，唔使返內地拍真人騷《咱們穿越吧》嘅楊千嬅，就同一男一女，喺Landmark巡鋪，衫鞋襯飾都冇放過。現場所見，千嬅睇啱乜都好，都會先搵盲公竹問意見。咁當然，呢個世界冇免費服務，藝人搵專人扮靚，可以byproject，但好似千嬅呢隻級數嘅，就會月薪計，俾多少少，唔使臨急撲人撲衫，anytime有人sta ...

同你吟一吟

楊千嬅專人扮靚

一線阿哥阿姐要裝身出活動，無論買定借，大部分都係靠形象指導幫手搵衫。呢一日，唔使返內地拍真人騷《咱們穿越吧》嘅楊千嬅，就同一男一女，喺 Landmark巡鋪，衫鞋襯飾都冇放過。

現場所見，千嬅睇啱乜都好，都會先搵盲公竹問意見。咁當然，呢個世界冇免費服務，藝人搵專人扮靚，可以 by project，但好似千嬅呢隻級數嘅，就會月薪計，俾多少少，唔使臨急撲人撲衫， anytime有人 stand by！

就算自己有心水，千嬅都會先問意見。

去到 MARNI，另一指導早已在內等候，千嬅有兩專人服侍。

除咗揀衫，仲要搵埋飾物。

舊年同老公丁子高拍檔做真人騷《極速前進》嘅千嬅，今年再同合作過拍劇嘅內地演員張國立玩《咱們穿越吧》，傳聞千嬅酬金過二千萬人仔。

撰文：八珍

來源 source: http://hk.next.nextmedia.com

鍾意就快D Share啦！

下一篇 》