熱爆娛樂: 唔理契仔不滿陳自強分西貢大屋俾阿姨 [壹週刊

2017年11月2日星期四

唔理契仔不滿陳自強分西貢大屋俾阿姨 [壹週刊 - 1443] __,陳自強,M1,

%陳自強生前視契仔如親子，對他極為信任。

探熱針

唔理契仔不滿陳自強分西貢大屋俾阿姨

成龍前經理人陳自強，上週凌晨於西貢寓所睡夢中離世，享年 76歲。有傳一直待在他身邊的契仔 Geoff（徐君俊）會是膝下猶虛的陳自強遺產承繼人。

但其實陳自強身邊亦有個與他共住多年，如母看待， 79歲的親阿姨（ Pat姨），據悉生前立遺囑的陳自強，希望將每幢市值近三千萬的相連獨立屋，留一間給年老阿姨作依靠。不過有傳這安排惹來契仔不滿，更一度拋低契爺走返加拿大。

待年老阿姨如母

陳自強生前對陪在他身邊多年，外界稱為契仔的 Geoff，有指是合法的養子，甚至他對朋友說 Geoff是將來為他擔幡買水的兒子。

除有一個會氹他的契仔，陳自強還有一個比他年長三歲，一起生活，人稱 Pat姨的親阿姨。據了解，多年前陳自強的母親及胞弟相繼離世後，阿姨與他成為彼此唯一的親人，陳自強亦待她如母般孝順。「以前 Willie同媽咪及細佬住喺何文田時， Pat姨都同佢哋一齊住。之後家人走晒，佢就帶住 Pat姨搬入西貢相連獨立屋，一邊俾 Geoff，另一邊佢同阿姨住。 Pat姨性格好溫和，不過 Geoff只會氹 Willie，同 Pat姨就冇兩句。過往 Willie每日會安排好男菲傭，車阿姨出入，照顧晒佢一切。」知情者說。

一間分俾契仔一間留俾阿姨

陳自強對同樣膝下猶虛的親阿姨 Pat姨（左二）如母看待，兩人一起生活多年，家中的傭人亦對她痛錫。

現年 79歲的 Pat姨，對唯一親人的姨甥陳自強離世，她稱心情未平伏，至於是否已留一間大屋給她養老，她說：「唔知，我冇過問。」

28/10上週六

陳自強離世後，雖然家有多名外籍男傭工駐守，又有私家車，但患白內障的她送客後，去睇醫生都只是自行 call車外出，冇人陪伴照顧。

契仔 Geoff走出花園講電話。

陳自強入院時，契仔會在網上 update契爺情況。

Pat姨搭車去坑口食麵醫肚。

之後再搭巴士去寶林邨街市買餸，之後再去睇醫生。

契仔扭計返加

兩年前因心臟病及出現腳腫，需要坐輪椅代步的陳自強，已做好心理準備並分配身家。有指約半年前，身體每況愈下的他，擔心近八十歲年老又患白內障的阿姨將失依靠，故想在遺囑上，把兩間市值近三千萬的相連獨立屋，留一間給阿姨，但有指因此惹來契仔 Geoff不滿，更一度走返加拿大，唔睬契爺陳自強。知情者續說：「 Willie希望佢走咗之後，阿姨可以繼續安逸咁過埋餘下日子，所以留其中一間屋俾佢好合理，其餘嘅都由契仔承繼。 Willie生前係人都知佢好錫 Geoff，又瞓身支持佢開時裝店！ Willie企硬，點都想留間屋俾 Pat姨揸手，等佢第日套現返馬拉生活都好呀。」

▲因為同樣愛時裝，故 Geoff跟陳自強啱晒嘴型，數年前更瞓身撐他開潮店，開張時張家輝亦俾面到場。

今年八月 Geoff向任職醫務工作的女友求婚。

前年及去年，本刊發現無論出院抑或外出，在陳自強身邊的是菲籍傭人。

數月前安排託孤

數月前健康急轉直下的陳自強，有傳除立定遺囑分配遺產，寧把家中兩隻小狗「 Saimon」同「 Lady」，找朋友「託孤」，沒給契仔 Geoff繼續收養。

「除咗佢阿姨， Willie唔放心嘅仲有佢兩隻寶貝狗，其中一隻 Poodle『 Lady』，係 Cally（鄺美雲）嘅「孫女」。佢見阿姨年紀大，又有白內障，根本唔可以照顧埋兩隻寶貝，但唔知點解又冇交俾佢契仔繼續養。 Willie（陳自強）搵番 Cally幫佢接收『 Lady』，至於另一隻『 Saimon』，係當日大哥鄧光榮送俾 Willie，之前佢為『 Saimon』搵緊新主人。」知情者說。

陳自強離世後四日，有朋友到他家帶走養了多年的「 Saimon」，與牠有多年感情的 Pat姨，及家中傭人對「 Saimon」依依不捨，送到大門口仍一直摸着牠。

鄺美雲是陳自強生前的老友，當日鄺把「孫女」 Lady送給他，故他希望死後 Lady可返回「嫲嫲」鄺美雲身邊。

生前的陳自強十分痛錫小狗 Lady。

家庭開支每月十五萬

陳自強位於西貢相思灣的相連獨立屋，在○七及一一年分別以一千四百多萬及一千八百多萬購入，單位的天台及花園打通。兩個單位均以公司「 THE ARTISTE CAMPUS LTD」持有，陳自強持有公司全部股份，契仔 Geoff則是掛名股東。

據了解，曾是金牌經理人的陳自強處事細心，離世前已安排好兩間屋每月的十五萬元開支，可在他走後確保仍維持運作一段日子，包括跟隨他多年的傭人薪金及阿姨生活費。不過有傳隨住陳自強健康急轉直下，安排好的家庭開支近月沒有如常運作。

有指正忙着籌備喪禮的契仔，亦準備賣屋套現。「 Willie走咗之後，過往同 Pat姨冇兩句嘅 Geoff，同 Pat姨講多咗嘢。佢同 Pat姨講不如一齊賣咗阿 Dad間屋，之後會照顧埋 Pat姨喎！」知情者透露。

有指陳自強在生時，打理西貢相連獨立屋，養住一班傭人及生活費，家庭開支每月要十五萬。

08年陳自強與成龍反目，並公開指他走火入魔，不聽意見。不過隨住年前成龍主動探望他，二人冰釋前嫌。有傳成龍搵助手為陳自強辦喪禮。

Geoff曾在成龍公司任職，因而與陳自強結緣，但有傳成龍對 Geoff有微言。

陳自強同契仔 97年已開始聯名買物業，其中 08年以 425萬買入的跑馬地山光苑，於 14年以 880萬放出。

獲贈屋 Pat姨：我唔知

上週六（十一月二十八日）下午，本刊發現契仔 Geoff在家，至於 Pat姨送客後，雖然一屋男女傭人，但有白內障的她，自己 call車外出醫肚。她等車時，本刊上前訪問，對唯一親人的陳自強離開， Pat姨說：「心情梗係唔好，但都要接受現實。（壹：你依家去邊？）有啲唔舒服，去睇醫生同買啲嘢。」

當問到有冇照顧她， Pat姨說：「工人囉！不過我好獨立嘅。（壹： Willie係咪留咗間屋俾你？）我唔知，冇過問。（壹： Willie有冇叫 Geoff照顧你？）我唔知，我冇咩嘢講！」