探熱針
好友猝逝 打擊湯寶如一度封閉：復出主持救咗我
46歲的湯寶如，今年初回歸樂壇兼幫大台主持音樂節目《流行經典 50強》，一副戰鬥狀態，仲食住個勢十一月開埋個唱。積極的湯記，原來經歷過好友猝逝，不堪打擊下無法工作，影響生活。
【嗰段時間，唔想食嘢，唔想講嘢，唔想工作。】
睇醫生、靠畫畫治療，《流行經典 50強》亦成為她的救星。
失去生活動力
年前湯記因相識數十年的老友突然離世，遭受打擊下，她一度對一切失去動力，將自己封閉。
湯記說：「我個好朋友因心臟病，走得好突然，我接受唔到，好唔開心，嗰排成個人情緒低落到唔想食嘢、唔想同人講嘢、失眠，甚至連工作都唔想做，呢個狀態維持咗半年。」湯記說。
男友察覺湯記唔對路，勸她及時求醫。她說：「醫生話我患上輕度抑鬱，好在係初期，我一向以為自己好樂觀，冇諗過好友離世會令自己跌低晒，醫生鼓勵我要出去接觸人群，就可以慢慢冇事。」
主持工作助治療
《流行經典 50強》的出現，變了救星。「咁啱有人搵我主持呢個節目，但十幾年冇返 TVB做主持，加上拍住家燕姐、小田哥，真係有啲壓力，不過最後都決心要走出嚟。一路做一路見番班舊朋友，心理上係一個好好嘅治療。」「復出」主持同時，湯記亦靠畫畫，幫自己走出失去好友的傷痛。一直只計劃出碟的她，結果變成開演唱會。
只想出唱片
「本來無打算開騷，後來有公司提出，問我要唔要考慮開個演唱會紀念一下，話晒今年係出道 25周年，如果唔係就好似嘥咗個機會，所以就即興着手搵場地，仲要我哋係 waiting list，五月先落實有場地。」由好友猝逝到克服情緒低落，更珍惜一切的湯記，說開完個唱會投放多點時間給家庭。
撰文攝影：娛樂組
來源 source: http://hk.next.nextmedia.com
|
鍾意就快D Share啦！
|
|
|