網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年11月2日 星期四

娛刺撈飯:阿嬌神遊金句玄過黎明 __,阿嬌,黎明,鍾欣潼,

阿嬌應該同黎明嚟一次金句Battle!被形容為「靚到360度零死角」嘅阿嬌鍾欣潼,一向面對記者都不苟言笑,多年嚟同傳媒交流都交畀好姊妹蔡卓妍(阿Sa) ...


阿嬌應該同黎明嚟一次金句Battle!


被形容為「靚到360度零死角」嘅阿嬌鍾欣潼,一向面對記者都不苟言笑,多年嚟同傳媒交流都交畀好姊妹蔡卓妍(阿Sa)負責,但自從阿嬌宣布將長達5年「Dry缽」打爛,中咗台灣「醫界王陽明」賴弘國嘅「愛情開聲針」,呢位木美人阿嬌說話突然升咗呢,一字一句充滿玄味,一般凡夫俗子,或者思維Level差少少,都未必領悟得到,難度拍得住達文西密碼,要數最強金句王當然非黎明莫屬,但估唔到「金句后」會係阿嬌,睇怕拍拖除咗令人如沐春風,亦令思路「愈拍愈強」。

聽唔明先係真金句

阿嬌嘅「神遊金句」早排又登上另一境界,佢話:「唔通養狗唔可以嫁獸醫咩?」今次就連經長期訓練解讀「阿嬌密碼」嘅阿Sa都被考起,當堂「O晒嘴」,我Nuts 哥惟有幫手解讀吓,即係「阿嬌識整餅,唔通就唔可以嫁畀阿茂咩?」咁樣解大家係咪清楚、明白!網民封阿嬌為女版金句王,如果黎明同阿嬌開場「核心外圍個個都拍拖嘅棟篤笑」,紅館勢必爆場。幻想吓黎明遇上Freestyle嘅金句嬌一齊Chit Chat,阿嬌出動佢「迷樣」嘅眼神,再無定向風嘅思路同黎明過招,爆句:「個個都天王,唔通個個都想做天王咩!」趁阿嬌蜜運當中,黎明最適合阿嬌嘅經典金句就係:「有冇機會拍拖,就好似見鬼一樣都要講緣分。」

黎天王嘅金句,我Nuts哥都袋住幾句傍身,學以致用拋吓金句娛人娛己,依家阿嬌升呢做「金句后」,令我又上咗一課,最緊要講得虛、講得浮,聽唔明先係「真金句」。記得阿Sa先阿嬌一步被踢爆與麻雀館太子爺戀情,但計番月份時間,阿嬌當時應該畀靚仔醫生賴弘國追到暈晒浪,可能阿嬌慣咗同男友「煲冬瓜(普通話)」綿綿情話,突然要轉Channel回應阿Sa戀事,結果就用佢慢半拍嘅語調吐出「金句」:「個個都拍拖,唔通個個都想拍拖咩。」企喺佢身邊嘅男神張智霖都聽到滿頭問號,阿嬌如神遊太虛嘅片段被網民瘋傳,仲將阿嬌金句旋即變萬能Key,配對出不同組合。

男友解碼能力高明

阿嬌能爆發「金句潛能」,男友賴弘國可謂應記一功,熱戀中嘅阿嬌,被男友冧到靈魂出竅,外人唔明唔重要,最緊要係阿嬌男友賴弘國識得解讀,將阿嬌冰山劈開,時時刻刻噓寒問暖玩追魂Call,又會飛嚟香港同阿嬌報到,男人做「黐身膏藥」都好少見,阿嬌今回「久旱逢甘露」點會唔Say Yes,連最棘手嘅「閃婚閃離」事件賴弘國都「拆得掂」,一早同阿嬌自首係「失婚男」,呢招赤裸自爆情史,原本扣分都變加分, 難怪阿嬌都話唔介意男友「舊史」,所以賴弘國「解碼」能力比醫術更高明,洞悉阿嬌密碼,要封佢為「解碼王」先真。

---------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!