熱爆娛樂: 【江漢設靈】情如兄弟由細玩到大秦沛眼紅紅：我好掛住佢 _

2017年12月30日星期六

【江漢設靈】情如兄弟由細玩到大秦沛眼紅紅：我好掛住佢 __,江漢,秦沛,

無綫前資深演員江漢（姜永明）本月7日於療養院病逝，享年79歲(新聞連結：http://bit.ly/2AIwtoF )，其家人今日為江漢在紅磡世界殯儀館舉行追思會，翌日舉殯，儀式後遺體奉移往哥連臣角火葬場火化。

追思會上，橫扁寫上「德藝雙修」，江漢叔的遺照一如以往劇集中常見的慈父模樣，西裝筆挺，笑容親切。妻子王小燕致送花圈，上書：「永明　　永遠懷念　　小燕泣輓」。

追思會將於晚上7時半舉行，下午4時20分左右，秦沛先抵達靈堂致祭，之後再接受傳媒訪問。他以「哥哥」稱呼江漢叔，說：「其實佢爸爸媽媽同哥哥都係演藝世家，爸爸係長城電影公司嘅性格演員姜明，媽媽就係童毅，太太就係長城電影公司演員王小燕。我同佢哋兩代都好熟嘅，佢爸爸同我爸爸（嚴化）係結拜兄弟，同媽媽都係好朋友，我哋兩個一齊成長。佢（江漢叔）大我幾歲，所以我都係嗌佢『哥哥』。」

秦沛續道：「其實我都知佢冇乜嗜好，係鍾意飲少少，但唔係飲得好犀利嗰隻，而係飲少少。之前見佢一次兩年前加拿大返嚟嘅時候。我好掛住佢。」

「我哋由細玩到大，開頭以為佢行動不便係因為飲酒累事，但原來係其他唔舒服。」

攝影：林賓尼	江漢的追思儀式今晚7點半舉行。靈堂佈置十分簡潔。	江漢叔妻子王小燕留給丈夫最愛的說話。
	秦沛致祭
江漢叔二子、曾效力快譯通足球隊的姜向暉。	秦沛受訪時，對江漢叔離世大感不捨。
兩眼通紅