掃呢頁CODE去手機

2017年12月30日 星期六

九展擺20圍 婚紗鑽飾獲百萬贊助鄧健泓娶石詠莉 睇老婆致辭出醜 __,石詠莉,鄧健泓,

■鄧健泓昨與拍拖5年女友石詠莉舉行婚禮,二人應要求咀嘴,幸福指數爆燈。雖然2017年快將完結,但娛圈喜事陸續有來,鄧健泓與石詠莉昨在九展舉行婚禮及擺喜 ...




雖然2017年快將完結,但娛圈喜事陸續有來,鄧健泓與石詠莉昨在九展舉行婚禮及擺喜酒,成為娛圈本年度最後一宗喜事。一對新人由婚紗到婚戒共獲百萬贊助,所以新郎只花6位數便成功娶得美人歸。一對新人昨受訪時,鄧健泓竟表示期待老婆致辭時出醜說:「睇住佢點瀨嘢都幾好笑。」認真斗膽。

現年43歲的鄧健泓(Patrick)與30歲前女子組合Freeze成員石詠莉(Sukie)在12年撻着,去年3月Patrick向女友求婚成功,至上月二人入紙排期註冊,並於昨日中午假九龍灣國際展貿中心的The Glass Pavilion舉行婚禮,晚上再於同一地方擺喜酒,筵開20席。

一對新人昨午2時半手拖手接受傳媒訪問,Patrick穿上老友孫耀威禮服店所訂做的啡紅色格仔禮服,Sukie則身穿設計師Noel Chu贊助的低胸婚紗現身,二人並應要求連咀兩次,表現甜蜜。Patrick受訪時透露早前已申請註冊,笑言幸好沒有人提出反對,至昨日就舉行簡單而莊嚴的簽字儀式。問簽字時有否感動到喊?Sukie自言有點眼濕濕,Patrick就謂:「我出奇咁冷靜,可能我係比較有型。」



■Sukie昨簽字時眼濕濕,但Patrick表示自己表現冷靜。 ■Patrick表示與Sukie婚戒獲贊助,內裏刻有二人愛的密碼。 ■婚宴於九展舉行,Patrick透露花費6位數字。

婚前失眠

Patrick透露婚禮前一晚腦海不斷幻想婚禮情景,Sukie就回想昔日跟Patrick相處片段及自己多了一個身份會如何,以致前晚齊齊睡不着。Patrick和Sukie說到婚宴上二人會向親友致辭,不過Sukie自言不擅長講說話,可能只會講10秒便夠,Patrick聞言竟取笑老婆說:「不過佢講10秒都可能講咗20分鐘,唔會幫佢,我自己都有嘢講,睇住佢點瀨嘢都幾好笑。」



■Patrick在去年3月已向Sukie求婚,昨日終抱得美人歸。

蜜月避年

一對新人昨日婚禮有不少贊助,如Sukie佩戴約值7位數的鑽飾、婚紗和婚戒等等,Patrick說:「好多謝好多人,有好多sponsor,令我哋慳咗唔少。好多謝咁多年嘅支持同關心我哋嘅人,對我哋好重要,婚宴大概用咗6位數字。」至於婚後會否積極造人?Sukie說:「我哋各方面都會好好做人。」Patrick就謂:「其實未有計劃住,想暫時多啲二人世界。」Sukie聞言即笑老公說:「好嘔呀,佢成日講呢啲嘢。佢平時都係成日講呢啲(肉麻嘢)。」至於度蜜月地點雖然未定,但Patrick預計要明年2月待他拍完網劇及Sukie宣傳完新歌始能成行,Patrick笑說:「我哋要去避年呀,去三個星期。」

採訪:曹家誠

攝影:葉君海




鍾意就快D Share啦!