藝人陳嘉佳（細細粒）早前到北京參與綜藝節目《星光大道》，細細粒先後在節目中展現唱功、舞功、柔軟度及靈活度。雖然狀態不算太好，但由於她的表現可愛兼擅於掌握氣氛，結果與另一位內地精英齊齊成為該周冠軍！
努力準備
向來感情豐富的細細粒當知道自己喜奪冠軍後，先是露出難以置信及天然呆的表情長達一分鐘，直到站在旁邊的選手提醒，才「如夢初醒」，一秒爆喊兼激動得口齒不清，令主持們十分意外。其中女主持更大爆細細粒為了做好個騷，練歌練至通宵達旦，情景令人十分感動。
扮韓紅彈出
細細粒之前在另一個內地節目憑維肖維妙的韓紅扮相，在內地爭取了一定知名度，這次再以韓紅LOOK亮相，先後獻唱韓紅的《絨花》及《LET IT GO》。她再以「小鳳姐LOOK」及花裙LOOK獻唱《上海灘》、《紅日》、《Monica》、《人間》。除了唱得，接受過地獄式「舞訓」的細細粒亦大晒舞技，連跳「胡巴舞」、BEYONCE的《CRAZY IN LOVE》和海草舞，為了搶Fo，細細粒更自稱似容祖兒，並大跳「電臀舞」，獲得全場掌聲。
唔敢信自己拎冠軍
細細粒事後坦言對於自己能夠獲得冠軍，感到難以置信：「雖然我真係好努力練咗好耐，但因為我又要講國語又要好短時間內換衫、好緊張，加上個個都臥虎藏龍，所以我真心係冇諗過有獎攞。」問到為何如此激動喊至口齒不清？她指自己淚腺發達：「不過今次我流嘅係真眼淚。因為今次我同工作團隊付出咗好多努力，我哋除咗排練咗好多個鐘，又度咗好多嘢希望可以做得更好。所以對於努力獲得肯定，我哋台前幕後都好感動，個個喊到收唔到聲。」
自誇靈活
細細粒笑言最難忘是與內地高手「舞鬥」部分：「首先嗰個環節嘅現場氣氛好好啦，同埋你哋咪睇我肥嘟嘟，我又真係幾靈活，拉筋同埋係咁轉圈都難唔倒我，評判都有讚我話我咁都仲保持到燦爛笑容、好可愛，有機會係喺嗰個環節加分嘅！」
----------------------------
東網巨星開咗ig喇，大家快啲follow
https://goo.gl/KGuo2N
|
鍾意就快D Share啦！
|
|
|
