究竟係乜嘢呢？
鄭欣宜一連兩場紅館演唱會開鑼，唱完《遊樂場》後，鄭欣宜介紹第一位嘉賓謝安琪（Kay）出場，她說：「男人個樣當然重要，但係身材都好緊要，再加上又顧家又有幽默感，你哋話邊有咁好嘅男人？就好似以下落嚟我呢位嘉賓...個老公咁！」穿藍色長裙的Kay隨即緩緩升上台，笑言：「乜你講咗咁耐都唔係話我嘅！人哋會唔會以為我係男人㗎。」二人隨即互錫面珠，欣宜感謝Kay十分仗義，一打電話就應承做嘉賓，Kay就拖住欣宜的手說：「呢句說話我一定要喺台上講，我真係欣賞咗你好耐，我知道嘅鄭欣宜有好多面，但呢個係我哋之間嘅秘密，我當然唔會喺度講。我想話畀你知，無論係爆喊嘅你、好堅強嘅你、自由嘅你、懷疑自己嘅你，無論邊一個你都係咁美麗嘅。」之後Kay就留在台上獨唱《勢不兩立》，欣宜落台換衫。
Kay唱完落台之後，第二隊嘉賓Supper Moment隨即上場獻唱《世界變了樣》，期間換上第四套衫的欣宜中途加入合唱，換上一身紅黑長裙搖滾look的欣宜不斷在台上紮紮跳，繼續與SM合唱《分手是常識吧》，期間主音Sunny同欣宜親密擁抱， Sunny又向觀眾大叫：「我想聽到成個紅館為欣宜吶喊！」獲得全場觀眾歡呼和應，最後欣宜與SM合唱最後一首《幸福之歌》，再一齊從舞台中央降下。
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|
