歌手陳柏宇（Jason）以「地球一小時大使」身份擔任禮品店一日店長，吸引大批Fans到場支持，非常墟冚！Jason亦都好識做咁向Fans打招呼閒聊，但受訪時談起因BB出世要「棄養」一事就嚴肅起來解畫。
就此事Jason重申指昨日（21日）同大家分享，交愛犬到朋友家只是最壞的打算，他亦表示自己控制不到網上輿論，現時都有不停想辦法去避免行到最後一步：「見到有好多愛狗之人討論，睇到有啲會覺得唔理智，而呢個情況有理性嘅討論係最重要，棄養依然都係最壞打算，如果最後解決唔到就焗住一定要行。當然我依家有搵相熟Trainer去教我點樣控制呢件事，唔好惡化，同埋又會改變餵飼方法。」
「冇嘢係唔應該講」
Jason失望自爆最嬲不是在於別人如何看自己，而是老婆符曉薇（Leanne）點諗：「為咗解決呢個問題，我瞓唔着覺，瞞住老婆諗方法，諗呢嗰最壞打算我仲心痛，隻狗都養咗10年，最心痛係老婆唔識得去企喺我嘅角度去諗呢件事，為咗屋企先咁諗、咁打算。」自覺表示見到「先兆」，如果唔控制愛犬會傷害到BB，屆時BB受傷、愛犬又有機會人道毁滅，要理性去想：「再講依家未需要做呢決定，搵到Trainer解決到就冇事。」Jason又指網民比喻事件為「公關災難」，一向敢言的他表示「冇嘢係唔應該講」：「永遠係一個理性的討論，如果要包裝先講，就唔係我。」
問到Leanne現時明白用心？Jason撒嬌話唔知佢明唔明：「今日出門口嗰時都有錫番氹我，咁我都有錫番佢，但都仲係嬲。（好番啦係咪？）其實都好少嬲佢，但係有風就梗係要駛盡艃先啦嬲番排先。（但依家佢大晒喎！）邊有咁快呀？總知佢一日未嬲我都仲有權嬲，哈哈！」
----------------------------
東網巨星開咗ig喇，大家快啲follow
https://goo.gl/KGuo2N
|
鍾意就快D Share啦！
|
|
|
