關楚耀將於5月開騷。
歌手關楚耀（Kelvin）以嘉賓身份出席慈善盆菜宴，他表示主辦單位是自己的朋友，平時舉辦的活動主題都是圍繞着香港，故特登到場支持。Kelvin將於5月舉行個人演唱會，他透露近排主要食蛋白餐，想操肌肉及保持狀態：「雖然演唱會冇諗住除衫，但當然要睇歌迷反應，如果徇眾要求都會嘅，但依家仲差啲，畀多一個月時間我。（重咗幾磅？）冇特別去計，但感覺到狀態體能返緊嚟，起碼應付到個演唱會先。（對邊個部分最有信心？）整個Body」
步入前輩級歌手
問到是否已經背熟歌詞，到時會否好像契爺譚詠麟一樣？Kelvin笑言：「佢嗰啲係創作歌手，可以臨時即刻去創作。」他透露曲目方面，會挑選一半別人的歌曲，希望藉今次與歌迷更加親近：「都5年冇開，有一段時間冇見佢哋，主要想帶出集體回憶。」他指剛推出了新歌，出街時遇到歌迷，對他表示「細細個已經聽你啲歌大」，令自己開心之餘又感到矛盾：「自己都步入咗前輩級歌手嘅階段。（擔唔擔心依家中學生唔知你係邊個？）都知嘅，相信我啲歌係陪住佢哋成長，但依家唔係哥哥，係叔叔。」
Kelvin笑指日前出席慈善活動時，有個爸爸叫4、5歲的女兒跟他影相，怎料對方稱呼他為叔叔：「我問個爸爸可唔可以叫哥哥，所以不能不認自己步入前輩級。」
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|
