張建聲為網劇開工。
藝人張建聲為網劇《向西聞記》單元《咖哩雞》開工，對於與模特兒舊愛陳嘉莉分手引發四角戀傳聞，他否認道：「之前太多失實報道，識我嘅朋友都知我最鍾意拍戲，但就畀人講到花心蘿蔔咁，所以之前先發聲明否認有第三者。（依家係四角戀！）最慘係累到人，同松岡李那冇可能，因為唔識日文，方詠琳就由細玩到大，話我哋去旅行，如果係就唔甫相啦。」 做足男友本分 張建聲揚言現時單身，會先專注拍戲，更指事件後獲網友留言鼓勵，他表示：「佢哋話就算我係X街定殺人犯，我啲戲好娛樂到佢哋！我自問同Kelly拍拖兩年做足男友本分，導火線係因為我太忙成日冇得見，搞到成日意見分歧同鬧交，後來有共識先分居後分手。」問到與青梅竹馬的方詠琳可有機會發展？張建聲則有所保留謂：「我依家單身就邊個都有機會。」提及外間指他是負心漢，張建聲即謂：「係（並做口形好X嬲）做乜啫！我七年嚟冇乜緋聞，所以今次都畀老闆笑我『破處』。」 ---------------------------- 東網巨星開咗ig喇，大家快啲follow https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|
