掃呢頁CODE去手機

2018年4月5日 星期四

「大小姐」林淑敏披婚紗嫁「送水輝」? __,

劇情究竟係點呢?好緊張呀!無綫處境劇《愛.回家之開心速遞》大受歡迎,「大小姐」林淑敏同「送水輝」許家傑仲成為經典螢幕情侶檔之一,唔少觀眾都希望佢哋喺劇 ...


劇情究竟係點呢?好緊張呀!


無綫處境劇《愛.回家之開心速遞》大受歡迎,「大小姐」林淑敏同「送水輝」許家傑仲成為經典螢幕情侶檔之一,唔少觀眾都希望佢哋喺劇中可以開花結果,新一集終於有進展

無綫官方FB專頁上載咗新一集嘅預告片,見到「大小姐」同「送水輝」齊齊以學生Look示人,「大小姐」仲紮孖辮兼戴眼鏡,化身純情學生妹,大玩初戀Feel!另一幕就見到佢哋踩Roller約會,仲有拖手同攬腰等親密鏡頭,仲見「大小姐」含羞答答瞇眼,唔通下一幕就係佢哋深情錫錫?片尾「大小姐」仲着上婚紗,然後西裝骨骨嘅「送水輝」推門入嚟,莫非真係好似觀眾所諗會拉埋天窗?

唔少觀眾都大嗌最期待嘅畫面出現,表示想快啲睇到呢集,好想畀「大小姐」同「送水輝」閃盲咁搞笑!


來源 source: http://hk.on.cc
鍾意就快D Share啦!