陳嘉佳被要求大跳勁舞。
藝人陳嘉佳（細細粒）最近獲央視賞識，誠邀她參加全新綜藝節目《星光大道》，並要求她在現場大跳勁舞。
為了確保演出順利，細細粒專誠找來排舞老師進行「地獄式特訓」。短短數分鐘的舞步，由早上八時排至晚上十時，期間更要進行「攞你命三千拉筋熱身」。排舞老師為了增強細細粒的柔軟度，要求她半趴在地上，然後將手腳拉至最盡。由於動作難度頗高，加上平時懶做運動，痛得細細粒全程叫苦連天，令現場所有工作人員爆笑。
手腳痛足半個月
事後細細粒笑指練完舞後四肢痛足半個月：「我雖然係肥，但我覺得自己都幾靈活嘅，哈哈哈！不過我平時可能真係少郁嘅關係，經過嗰日地獄式特訓後，正式錄影嗰日我已經周身骨痛，惟有頂硬上表演。之後返到香港，啲手腳同腰直頭酸痛到行得行唔到。除咗落街食飯，幾乎喺屋企冇郁過。不過我真係好開心可以參與呢個節目，希望今次都可以令觀眾朋友睇得開開心心啦。」
細細粒表示是次北京之旅雖然行程緊密，但仍抽空與工作人員品嘗當地著名火鍋。此外，她又與工作人員玩雪球大戰：「好似變番細個嗰時咁。」
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|
