生日快樂！
今日是曾志偉六十五歲的生日，志偉中午與一班波友踢波慶祝，包括羅鈞滿、衛志豪等，志偉表示 ：「今日唔係比賽，只係班球員借練波為理由，其實係想同我切蛋糕，呢幾日已經切咗三個蛋糕。」他透露兒子曾國祥與未來新抱王敏奕已提早為他慶生，問到收了甚麼禮物？志偉笑言：「飛吻同擁抱，一句問候，已經好好。（今晚點慶祝？）要飲到醉咗為止，今晚多數都係演藝人協會嘅人同我慶祝，會長古天樂睇吓佢請唔請到假嚟，佢好有心，做會長之後乜都落手落腳做，演藝人協會入面有好多不同界別嘅人，佢起碼見咗一百個以上嘅會員，同佢哋食飯，睇吓有乜訴求。」
而好友譚詠麟因為今日要在珠海做騷，所以就不會到場，至於成龍，他坦言：「佢成日都唔話畀人知返咗嚟香港，要係突然好驚喜咁出現，好似耶穌降臨咁，真係唔知佢今年會唔會同我慶祝，因為佢每次都來去匆匆。」志偉又指因為要跟不同朋友食飯慶生，所以會缺席明天的金像獎頒獎禮。
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|
